ᐃᖃᓗᐃᑦ, ᓄᓇᕗᑦ (ᒪᐃ 29, 2019 - ᔮᓐ ᒪᐃᓐ, ᐃᒃᓯᕙᐅᑕᖅ ᒪᓕᒐᓕᐅᕐᕕᒃᒥ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓄᑦ, ᐅᓪᓗᒥ ᓴᖅᑭᑦᑎᖃᐅᖕᒪᑦ ᓯᕗᓪᓕᖅᐹᑦᑎᐊᕐᒥᒃ ᓂᕆᐅᒋᔭᖃᕐᓂᕐᒧᑦ ᑎᑎᖅᑲᕐᒥᒃ ᑖᒃᑯᓄᖓ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᓇᕗᒻᒥ.
ᐃᒃᓯᕙᐅᑕᖅ ᒪᐃᓐ ᐅᖃᓚᐅᖅᐳᖅ, “ᑕᐃᑦᓱᒪᓂ ᒪᓕᒐᓕᐅᕐᕕᖕᒥ ᒪᓕᒐᓕᐅᖅᑎᐅᖃᑕᐅᔪᓕᒫᑦ ᑲᑎᒪᓂᖃᖅᑎᓪᓗᒋᑦ ᒥᑦᑎᒪᑕᓕᒃᒥ 2017−ᒥ ᓂᕈᐊᕕᔾᔪᐊᕐᓇᐅᓚᐅᖅᑎᓪᓗᒍ, ᐋᖅᑭᒍᑎᖃᒪᐅᕐᓯᒪᒐᑦᑕ ᑲᔪᓯᖁᖏᖢᒍ ᐊᑯᓐᓂᖓᒍᑦ ᕿᒥᕐᕈᓂᖃᕐᓂᖅ ᓯᕗᓕᖅᑏᑦ ᑲᑎᒪᔨᖏᓐᓂᒃ. ᑕᐃᒪ ᑎᑭᐅᑎᕙᓪᓕᐊᓕᕐᖢᑕ ᓂᕈᐊᖅᑕᐅᓯᒪᓂᑦᑕ ᐊᑯᓐᓂᓪᓗᐊᖓᓄᑦ, ᑖᓐᓇ ᓂᕆᐅᒋᔭᖃᕐᓂᕐᒧᑦ ᑎᑎᖅᑲᖅ ᑖᒃᑯᓇᓐᖕᒐᑦ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓂᑦ ᑐᓂᔭᐅᓯᒪᔪᑦ ᓯᕗᓕᖅᑎᒧᑦ ᓇᓗᓇᐃᔭᐃᑦᑎᐊᕐᒪᑦ ᓂᕆᐅᒋᔭᑦᑎᓐᓂᒃ ᑖᒃᑯᓇᖕᒐᓕᒫᖅ ᒥᓂᔅᑕᓂᑦ ᐊᒻᒪᓗ ᑐᑭᓯᓇᑦᑎᐊᕐᖢᓂ ᐱᓕᕆᓂᖏᑦ ᖃᐅᔨᓴᖅᑕᐅᖏᓐᓴᕐᓂᐊᕐᓂᖏᓐᓂᒃ ᑲᔪᓰᓐᓇᖅᑐᒥᒃ ᑖᒃᑯᐊ
ᒪᓕᒐᓕᐅᖅᑎᑦ ᓂᕈᐊᖅᑕᐅᓯᒪᓂᓕᒫᖓᓐᓂ.”
ᓂᕆᐅᒋᔭᖃᕐᓂᕐᒧᑦ ᑎᑎᖅᑲᐃᑦ ᐊᔾᔨᖏᑦ ᑎᒍᔭᒃᓴᐅᔪᑦ ᒪᓕᒐᓕᐅᕐᕕᐅᑦ ᐃᑭᐊᖅᑭᕕᖓᓂᑦ ᐅᕙᖕᒐᑦ: https://assembly.nu.ca/tabled-documents.
-30-
ᖃᐅᔨᒋᐊᒃᑲᓐᓂᖅᕕᒃᓴᖅ:
ᔮᓐ ᒪᐃᓐ, ᒪᓕᒐᓕᐅᖅᑎ (ᐊᕐᕕᐊᑦ ᐅᐊᖕᓇᖓᓄᑦ−ᑎᑭᕋᕐᔪᐊᖅ)
ᐅᖄᓚᐅᑖ: (867) 975-5127
upload
| Attachment | Size |
|---|---|
| ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᑦ ᓴᖅᑭᑦᑎᕗᑦ ᓯᕗᓪᓕᖅᐹᑦᑎᐊᒥᒃ ᓂᕆᐅᒋᔭᖃᕐᓂᕐᒧᑦ ᑎᑎᖅᑲᓂᒃ ᑖᒃᑯᓄᖓ ᓯᕗᓕᖅᑏᑦ ᑲᑎᒪᔨᖏᓐᓄᑦ | 136.83 KB |