ᐊᖏᖅᑎᑕᐅᓂᖏᒃ ᓄᑖᒃ ᒪᓕᒐᓕᐅᖅᕕᒻᒥ ᒪᓕᒐᓕᐅᖅᑎᑖᖅᑲᐅᖑᔫᒃ

ᐃᖃᓗᐃᑦ, ᓄᓇᕗᑦ (ᓯᑎᐱᕆ14, 2020) - ᐅᓪᓗᖓ ᐊᒻᒪᓗ ᖃᑦᓯᒥᐅᓛᕐᓂᖔᖅ ᐊᖏᖅᑎᑕᐅᓂᖏᑕ ᑳᓪᕕᓐ ᐲᑐᓴᑦ (ᖁᕐᓗᑦᑑᖅ) ᐊᒻᒪ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᐊᓯᔾᔨᖅᑕᐅᒻᒪᑦ 2:00−ᒧᑦ ᐅᓐᓄᓴᒃᑯᑦ (ᑲᓇᓐᓇᑉ ᖃᐅᔨᓴᐅᑎᖓᒍᑦ) ᐊᐃᑉᐱᕐᒥ, ᓯᑎᐱᕆ 15, 2020.

ᑖᓐᓇ ᐊᖏᖅᑎᑕᐅᓂᖓ ᑕᓚᕕᓴᒃᑯᑦ ᑕᑯᒃᓴᐅᓛᖅᑐᖅ ᓄᓇᓖᑦ ᑕᓚᕕᓴᖃᐅᑎᖏᒍᑦ (ᓇᓂᔾᔪᑎᖓ ᓈᓴᐅᑎᖓ 5) ᐊᒻᒪᓗ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕕᓴᓕᓐᓄᑦ ᕕᐊᓪᑯᑎᒍᑦ (ᓈᓴᐅᑎᖓ 513) ᐊᒻᒪᓗ ᓵᒃᑯᑦ (ᓈᓴᐅᑎᖓ 602 / 233 ᐃᖃᓗᓐᓂ. ᖃᖓᑦᑕᖅᑎᑕᐅᓯᒪᔪᒃᑯᑦ: ᓇᓂᔾᔪᑎᖏᑦ ᓈᓴᐅᑎᓖᑦ 181, 289 ᐅᕝᕙᓘᓐᓂᑦ 489, ᑕᑯᒃᓴᐅᔪᓐᓇᖅᑎᑕᑎᑦ ᒪᓕᓪᓗᒋᑦ). ᐃᒃᓯᕙᓃᑦ ᓴᖅᑭᔮᑦᑕᐅᑎᒋᒻᒥᔪᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᒃᑯᑦ ᐅᕙᓂ: http://video.isilive.ca/nunavut/. ᐃᖃᓗᒻᒥᐅᑕᐃᑦ ᓈᓚᒍᓐᓇᕐᒥᔪᑦ ᓈᓚᐅᑎᒃᑯᑦ ᑐᓴᖅᓴᐅᑦᑕᐅᑎᒋᔪᓂᒃ ᐅᕙᓂ FM-ᑯᑦ ᓈᓚᐅᑎᒃᑯᑦ: ᓇᑎᖅ: 92.5 / ᐃᓄᒃᑎᑐᑦ: 94.7 / ᖃᓪᓗᓈᑎᑐᑦ: 102.1. ᒪᓕᒐᓕᐅᖅᕕᐅᑉ ᐊᔾᔨᓐᖑᐊᖁᑎᖏᑦ ᐊᔾᔨᓕᐊᒥᓃᑦ ᐊᖏᖅᑎᑕᐅᔪᖃᖅᑎᓪᓗᒍ ᑐᓂᔭᐅᓛᕐᒥᔪᑦ ᐱᕙᓪᓕᐊᔪᓕᕆᔨᓄᑦ ᑭᖑᓂᑦᑎᐊᖓᒍᑦ.

-30-

ᑐᑭᓯᒋᐊᕈᒪᒍᒃᓯ:
ᔮᓐ ᒃᕘᒃ, ᑎᑎᕋᖅᑎ ᒪᓕᒐᓕᐅᖅᕕᒻᒥ / (867) 975-5000