IQALUIT, Nunavut (April 8, 2024) – Maligaliukviit Katimayigalaat Munagiyut Kavamatkunit Havaagutikhait ovalo Inuit Maniligiyiit pinialiktut kungiaktilutik Talavisitkut Naalaktitititlugit April 19mit-20mut, 2024, nutaamik ukiumi tuhaktitait Kangunaktiligiyiit Kamisinaa Nunavumi ovalo April 22mi-23mut, 2024, nutaami ukiumi tuhaktitait Ilauyunit Nutakat ovalo Inuulgamiit.
Atanguyait Kavamatkunit Nunavumi ilauniaktut kiukataklutik talavisitkut naalaktitititlugit.
“Naalaktitiniaktavut pipkailaaniaktait Maligaliuktiit Maligaliukvimi ihumagilugit kanuk Kavamatkut Nunavumi munaginiaktait pitkuhimayut tahapkoninga Nangminiiktut Havaktiit ovalo Katimayigalaat inminik.” Ukaalaktuk Katimayigalaat Ikhivautaa George Hickes, MLA Iqaluit-Tasiluk.
Kangunaktiligiyit Kamisinaa nutaamik ukiumi tuhaktihimayut takulaaktut hamani kagitauyami: www.assembly.nu.ca ovalo www.atipp-nu.ca
Ilaukatauyuk Nutakanut ovalo Inuulgamiit nutaak ukiumi tuhaktihimayait pilaaktut hamanit kagitauyamit: www.assembly.nu.ca ovalo www.rcynu.ca
Katimayigalaat naalaliniaktut 09:00mongakat Maligaliukvimit, Friday, April 19, 2024. Naalaktiligiiyut talavisitkut takulaaniaktut nunalaani talavisiligiyiit ovalo kagitauyakut munagiyauyut Bell Kanatami (channel 513) ovalo Shaw (channel 289 - classic / channel 489 - nutaami) talavisiit. Naalaktiligiyit kungialaaniaktut kagitauyakut hamani: https://assembly.nu.ca/webcasts. Iqalumit naalalaaniaktait naalautikut katimatitilugit hamani: FM channels: Natimit: 92.5 / Inuktitut: 94.7 / Kablunaatitut: 102.1.
-30-
Tuhafaagumaguvit takulugit hamani:
LegInfo@assembly.nu.ca
| Attachment | Size |
|---|---|
| Katimayigalaat Tuhaktiyut Maligutikhainik Talavisitkut Naalaktiniaktut | 153.83 KB |