Una Iqhutak Nunavunmi

Una Iqhugautigiyaa Maligaliurviata Nunavut takunngaqtihimayaa maceinungnut March 30, 1999-mi. Tigumiaqhugu Iqhuktip angmaqtirinngautigiyaat hivulliqpaamik katimanngalirmata Maligaliurvia Nunavut April 1, 1999-mi.

Ubluq tamaat Maligaliurvingmi katimaliraangat, una Iqhuktiup tigumiaqpagaa una Iqhugaq taliqpingmini tuimini, hivunniuqtuqhugit Ikayuqtiit, Titiraqtiillu unalu Uqaqtittiyi itiqtiliraangamik Katimavigyuamut.

Katimavigyuangani Maligaliurviup, una Iqhugaq tigumiaqtauvaktuq angunmiglu arnamiglu hanayauhimayuq naptuyumit uyaqqamit. Hamna naunaipkutigiyaa atauttimut tamangnik itqaumayautigiblugu inungnut. Maliruaqhugu Kuin Nunagiyaani Maligaliurvigyuanganni pitquhiinik, qulaaniittukhamiglu atpaniittukhamiglu nayugakhaqaqtuq una Iqhugaq. Una qulaaniittuq atuqtauvaktuq taamna Uqaqtittiyi Maligaliurvingmi ikhivauttani ikhivavigiliraangamiuk talvalu una atpaniiliqpaktuq Maligaliurvik nutqangallaliraangata uvvaluunniin Katimatuinnaliraangata.

Uvani 1200-ngutillugu ukiunganni, una iqhugaq kiyuaqtuutigivagait hapumminahuaqhugit Qablunaallu Uiviitituuqtullu King-ngutainnik. Una Iqhukti hapummivakhimayuq king-nguyunik atuqpakhugu iqhugaq kiyuaqtuutigiblugu. Tatja, una iqhugaq ilitaritautjutigiyauliqhimayuq atannguqtuidjutaanik haffumap Maligaliurviup.

Una iqhugaq tuugaanginnit Tuugaaliit hanayauhimayut. Hapkuat niryutikhat iqhugarmi ilitaridjutigihimayaqaqtut nunanik, tariumit uvvalu niryutikhanit. Hapkuat maliriit hanauyaqtauhimaniat qaihimayut Nanisivik haviqutainnin qulaaniittumik hanningayuliqaqtuq. Una hanningayua ilitaritjutiqaqtuq Kuin Nunagiyaata Atannguvianik. Hapkuat hanauyaaqhimayut inuit tigumiannguaqtaat iqhugaq ilitaridjutiqaqtuq qatannguqatigiingnik atauttimut havauhiqannguaqhutik. Una inirnikhaq hivuliqtiubluni ayauqtuiyuq. Ukuak angullu arnarlu ilitaridjutiqaqtuk atauttimuuqhutik aadjikkiigutiqannguaqhutik. Una angiyuq muqpak tungungayumik uyaraqaqtuq, Kingmirunminngaaqtuq, unauyuq pingahuinnauyut uyaragiyaat ilaa nunaryuanin. Hapkuat uyarattiat talvani qulaaniittumi hanayauhimayut algakkut hanauyaqhimablutik hanauyaaqtinit. Hapkuat uyaqqat takuyuminaqtut uyarattianguyut, una tungungavyaktuq uyarak uyarattianguyq, una aupayaaqtuq uyarattianguyuq, qirnarikturlu, hungayaaqturlu, tungungayurlu, qakuqtarlu uyaqqat. Iqhugaup qulaaniittunganiittuq 2 ¼ carat-nguyumik uqumaittuutiqaqtuq uvanngaaqhimayuq Jericho Diamond uyarakhiurvianin Uataaninngaaqtup Nunavut.

Tamaita hananinga iqhugaup piqutainnik Nunavunmit hanayauhiriyait, hanauyaaqtillu talvanngaaqhimayuttaq. Una iqhugaq aullaaqhimayuq hilataanin Iqaluit atauhiiqhunilu Kangirlinirmunngauhimayuqtauq.

Ukuat hanauyaaqtiuhimayut:

  • Inuk Charlie – Iqaluktuuttiaq

  • Paul Malliki – Nauyaat

  • Una huiqhimayuq Simata Pitsiulak – Kingmirut

  • Mathew Nunqingaq – Iqaluit

  • Mariano Aupilardjuk – Kangirliniq

  • Joseph Suqslaq – Uqhuqtuuq