George Hickes

George Hickes niguaktaufaakhimayuk niguaktiligiyini October 25mi, 2021, maligaliuktiuyunut Iqaluit-Tasiluk Siksiani Maligaliukvik. Mr. Hickes Tuklianut Ukaktitiuhimayuk hivulimi katimatitlugit Siksiani Maligaliukvik niguakhimayuni November 19mi, 2021. Mr. Hickes hivulimi Katimakatauhimayuk Hitamaani ovalo Talimaani Maligaliukvimi, munagivlugit Ministamut, ilaunik Minista Maniligiyiit, Aniaktiligiyiit ovalo Maligaliuktiligiyiit. Niguaktinagit, Mr. Hickes havakhimayuk Qulitkuni Munagiyiinik Tuhaktiligiyinut. Mr. Hickes havakhimayuk atanguyainut Kavamatkut Nunavumi Munagiyit Ilihaktiligiyiinik ovalo Minista Hanatiligiyiit ovalo Ingiligaligiyiit. Mr. Hickes ilauhimayuk Atanguyauligiyinik Ikayuktiit Ministamut Ilihaktiligiyit. Mr. Hickes inuuhimayuk Churchillmi, Manitoba, ovalo ilauhimayuk Red Rivermi Iliniagiakpaalimi Winnipegmi. Iqalumungaktinagu 2004mi, Mr. Hickes havakhimayuk maniligiyiinut havakviani ovalo inminik busnikakhimapluni Hanauyaktiligiyinut Thompsonmi. Mr. Hickes ilauhimayuk Kaptiligiyini, ilauhimaplunilu Kanatami Rangerskunut ovalo Inuulgamiit Haakiktunut. George ovalo Signi Frederickson malguunik nutagakaktut: Lily (Piungwasluq) ovalo Sara (Putuguq). Mr. Hickes inminik aligiyait ilauyut hugaakhiukatakhuni, ikalukhiukatakhuni ovalo mukpaktunut golfni.