IQALUIT, Nunavut (Nuvaipa 14, 2017) - Ukkua Maligaliurviqmi Katimayiit uqqarhimaliktut tatva ubluriyani qanuriliuqniaqmangat tatvani 2017-mi Nunavut Hivuliqtiita Katimayiit. Ukkua Katimayiit pikatauyut tamaita Maligaliuqtiit.
Hapkua Katimayiit katimaniaktut tatvani Katimaviatni Maligaliurviup, aullarutiniaqtut 10:00am (Qiqiqtaluqmi) ublami Tallimiutimi, Nuvaipa 17, 2017. Hamna katimania angmaumaniaktuq kittunut kungiarumayunut Katimaviup illuani. Hamna katimania talavisakut takkurhauniaktuq tamaitnun nunaliitnun Nunavumi. Katimaniat kungiaktauniaktuq talivisakut nunaliitni tiiviqurutaitigut angilgamingnilu akkiliktuiyut kungiaraqhaittigut Bell (naqqitautani 513) tatvalu Shaw (naqqitautani 289 – uttuqqait / naqqutautani 489 – nuttani) kungiakutaitni.
Tatva niruaninga Uqqaqtirhamik, Hivuliktirhamik tatvalu Ministarhanik illikut niruaqluttik maligaliuktit niruaqtauniaqtut. Hivulikpamik pitjutiqaqniaqtut tatva niruaqniqmik Uqqaqtirhamik. Tatva niruaqtauhimaliqat una Uqqaqti katimapkainiaktuq katimahimaaktitlugit.
Tugliatauq niruaqnirha Hivuliktirhamik. Niruagarhanguqtittauyut uqqalagiaqaqniaqtut huuq niruaqtauyumanikmingniq. Maligaliuqtit uktugahuangitut Hivuliktiunikmut appirhuqqataqniaqtut niruagarhanguqtittauyunniq. Hapkua naunaitiarhimayut maliqayarhait niruakutirhanik tuhaktitjutauniaktut hapkua Katimatjutauliqqata.
Maligaliuqtit Katimayiit angirhimayut tatva ukkua Ministait Katimayiit aullaniqaqniaqtut katimayiqaqluttiq 8 (Hivulikti tatvalu 7 Ministait). Una Maligaliuqviup tatvalu Atanguyauyut Katimayiita Maligaat hatkirhimayuq tatva una Hivuliktinguqtiitauyuq inminik ihumarhuqluni tiqquarhiniaqtuq Ministait Havakvirhaitnik.
Angiqtittauluttiq hapkua Maligaliuqtiit tatvani Hitamani Maligaliurviup aullarutiniaqtuq 10:00am (Qiqiqtaluqmi) Aippiutinguqat, Nuvaipa 21, 2017, Katimaviatni Maligaliurviup.
Illitagiyauluttiq pigiaktitauniaktut tiqquaqtauhimayut Uqqaqti, Hivulikti tatvalu Ministait hivulikpami katimaliqqata talimanik Maligaliurviq, aullarutiniaktuq Aipiuttimi, Nuvaipa 21, 2017, tatvani 1:30pm (Qiqiqtaluqmi).