IQALUIT, Nunavut (February 26mi, 2018) – Nunavumi Maligaliuktiit Tamaat Katimayiit nakuuyumik inikhimaliktait Mitimatalikmi Avaliitumik Katimayut February 23mi, 2018.
Hivulikti Paul Quassa ukaalaktok, “Turaaqtavut takupkaiyait ilaukatigiikhutik ovalo tamakmik piniaktainik naunaiyautikhait Kavamatkukhait maliktakhait hitamani ukiuni. Katimatjutiyavut Mitimatalikmi hanahimayait Ministait Katimayigalaat havakhimayainik ubluminut ovalo pipkaiyait Maligaliuktit Maligaliukvimi tuhaktitauyaanganik ovalo hivuliuniaktut nunakatiminut ovalo Nunavumi tamaat."
Turaaqtavut ilihimaliktut amigaivyaktunik hivuliutiyumayait, ilauyut:
- Havaklutik mikhaanut nunalaat ovalo inuligiyiit naamagutikhait mikhaanut Inuusivut;
- Hanalutik Nunavumi hanatiligiyiit ovalo havakatigiigutikhait atuklugit Pivaallirutivut;
- Hakugikhinahualugit ilihagutikhait ovalo ayoikhaitjutikhait mikhaanut Sivummuaqpalliajjutivut;
- Ilitagilugit Nunavut aalangayuk Nunanga Kanatami ovalo Nunakyuami mikhaanut Inuunivut; ovalo
- Hanakatigiilugit ilaukatautjutikhait Kavamatukatkunik ovalo Inuit Nangminiigutikhait mikhaanut Katujjiqatigiinnivut.
Turaaqtavut tuniyauniaktut Maligaliukvimut angmaktigutainik Aipaanut 2nd Katimayut Talimaani 5th Maligaliukvimi, piniaktut ihumagiyaulutik uktugumayait ukiumi 2018-2019 angiyut kinauyakhainik katimalikata ukiumi Maligaliukvik.
Maligaliuktit angikhimaliktut pihimayakhait ihivgiugutikhainik Atuktut Ukautit Pikuyakyuakhait, Inuit Ukautait Munagitjutikhait Pikuyakyuat ovalo Minista Nutakanut ovalo Inuulgamiit Pikuyakyuakhait piniaktut atulaktitlugit Taimaat 5th Maligaliukvik. Hamna ihivgiuktauniaktut ukautikhainik hanatjutikhait nutaamik Naalaktilikhak havakvikhaa Nunavumi.
Ikhivautak Maligaliuktit ovalo Arviami-Tikigakyuami MLA John Main ukaalaktuk, Maligaliukatitka ovalo ovanga kinikniaktugut havakatigiilugit kavamatkut iniktilaaktait iniktigutait Nunavumiunut.”
Mitimatalikmiulaktitlugit, Maligaliuktit katimapkaihimayait Ukaktimit ovalo Tununiq MLA Joe Enook. Maligaliuktit katimakatigihimayait amigaivyaktut nunalaani hviuliktiit ovalo tuhaktitauyut mikhaanut nunalaani ihumaalugiyainik. Maligaliuktit tuhaktitauhimayutlu atanguyainit Baffinland Uyagakhiuktiligiyit kanugitaakhait Nuluuyami Uyagakhiukvik, ilauyut ayoikhaitjutikhait ovalo havaktigutikhait pilaaktait Nunavumi Inuit.
Hivulipaami 1st Katimaniat Talimaanut 5th Maligaliukviit katimaliniaktut March 6mi, 2018. Katimayut Maligaliukvimi angmaumaniaktut Inunut kungiagumayut Maligaliukvimi ovalo kungiaktaulaaktut talavisitkut tamaat Nunavumi nunalaani talavisitkuugutainik hamani Bell (channel 513) ovalo Shaw (channel 289 – classic / channel 489 – nutaami) kungialiuktiligiyit.
-30-
Tuhafaagumaguvit Takulugu:
Patterk Netser, MLA (Aivilik)
Ikhivautak, Tamaat Katimayiit
Foninga: (867) 925-9890