Mary Killiktee

Mary Killiktee nigoaktaohimayok tatvani nigoaktitihimangmata Aktopa 25, 2021-mi, kivgaktoiluni nigoakvigiyaminik Uqqummiut tatvani 6th Maligaliokviatni Nunavut. Ms. Killiktee havakpaghimayok ilaliotivlugit hapkua havagiyait Nunaliitni Pivalialikinikut Ukkautjiyiovluni tatvani Qikiqtaaluk Pivalialikiyiitkut Timioyot, Nunaliitni Maligalikinikut Havaktioyot kavamatkut havakviatni ukkua Maligalikiyiit tatvalo tatvani Hinniktakvikmi Ataniohimayok Ukkiuktaktomi Kuapakuni. Ms. Killiktee ilihakhimayot tatvani Nunavut Ilihakpalikviatni. Ms. Killiktee nunamini kivgaktoihimayok Maiyaohimavluni Qikiqtarjuaq-mi katimayiovakhimayoktaok tatvani nunaliitni Aviktoghimayomi Ilihaktolikiyiit Katimayiitni, tatvalo Nunaliitni Maligalikiyiita Katimayigalaatni tatvalo Nunaliitni Innutiaknikut Katimayigalaatni. Kivgaktoihimangmiyok tatvani Angayokanguvluni Qikiqtarjuaq Tulugak Kuapakuni tatvalo katimayikataohimayok tatvani Amautiit Nunavumi Aknait Katuyikatigiitni. Mary uingalu Sam Killiktee hagimahuktok angayokanguvlutik notagakaktot Dave tatvalo Nora. Ms. Killiktee mirhuguyok tatvalo inmikut alliagiyakaktok hapkuninga attoktuyaknikmik,kuukionikmik tatvalo hilami hulilokakutinik.