ᑲᑎᒪᔨᕋᓛᑦ ᖃᐅᔨᒃᑲᖅᓯᕗᑦ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓛᕐᒪᑕ

ᐃᖃᓗᐃᑦ, ᓄᓇᕗᑦ (ᐄᐳᕈ 10, 2025) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖏᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᑕᓚᕖᓴᒃᑰᕐᑕᐅᑎᒋᓗᑎᒃ ᓈᓚᓐᓂᖃᖅᑎᑦᑎᓂᖃᓛᕐᒪᑕ ᐄᐳᕈ 24-ᒥᑦ ᒪᐃ 1, 2025-ᒥ, ᕿᒥᕐᕈᓂᖃᕐᓗᑎᒃ ᒫᓐᓇᓕᓴᐅᓛᖑᔪᓂᑦ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑲᓕᐊᒥᓂᐅᔪᓂᑦ ᑐᑭᓯᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᔫᑉ ᓄᓇᕗᒻᒥ; ᒫᓐᓇᓕᓴᐅᓛᖑᔪᓂᑦ ᐊᕐᕋᒍᑕᒫᖅᓯᐅᑎᓂᒃ ᐅᓂᒃᑲᓕᐊᒥᓂᐅᔪᓂᑦ ᑭᒡᒐᖅᑐᐃᔨᐅᔪᒧᑦ ᓱᕈᓯᕐᓄᑦ ᒪᒃᑯᑦᑐᓄᓪᓗ; ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᖓᓄᑦ ᓄᓇᕗᑦ: 2025-ᒥ ᖃᐅᔨᓴᕆᐊᒃᑲᓂᕐᓂᕆᔪᔭᖓᓂᑦ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᑎᕋᐅᑎᐅᔪᓂᑦ ᓄᓇᕗᒻᒥ; ᐊᒻᒪᓗ ᒫᓐᓇᓕᓴᐅᓛᖑᔪᓂᑦ ᓄᓇᕗᑦ ᒐᕙᒪᖓᑕ ᑮᓇᐅᔭᓕᕆᔾᔪᑎᒥᓂᖏᓐᓂᑦ

ᐊᖏᔪᖅᑳᒡᒍᑏᑦ ᓄᓇᕗᑦ ᒐᕙᒪᖓᓃᓐᖔᖅᑐᑦ ᓴᖅᑭᔮᓛᕐᒥᔪᖅ ᑭᐅᔭᖅᑐᖅᓯᒪᓗᑎᒃ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓂᐅᔪᓄᑦ.

“ᑕᓚᕖᓴᒃᑰᖅᑐᑕ ᓈᓚᓐᓂᖃᖅᑎᑦᑎᓂᕗᑦ ᐱᕕᖃᖅᕕᐅᓛᕐᒪᑕ ᒪᓕᒐᓕᐅᖅᑐᕝᑎᐅᔪᓄᑦ ᒪᓕᒐᓕᐅᖅᕕᒻᒥ ᐃᓱᒪᒃᓴᖅᓯᐅᕈᑎᖃᕈᓐᓇᕐᓗᑎᒃ ᖃᓄᑎᒋ ᓄᓇᕗᑦ ᒐᕙᒪᖓ ᐱᓕᕆᒋᐊᖅᓯᒪᒻᒪᖔᖅ ᐱᓕᕆᐊᖃᕋᓱᐊᖅᑐᑎᒃ ᐊᑐᓕᖁᔭᓕᐊᒥᓂᐅᔪᓂᑦ ᑖᒃᑯᓄᖓ ᐃᒻᒥᒃᑰᖅᑐᑎᒃ ᐱᓕᕆᔨᐅᔪᓄᑦ ᒪᓕᒐᓕᐅᖅᕕᒻᒧᑦ ᐊᒻᒪᓗ ᑲᑎᒪᔨᕋᓛᑦ ᐊᑐᓕᖁᔭᓕᐊᕆᓯᒪᔭᖓᖏᓐᓂᑦ,” ᐅᖃᖅᑐᖅ ᑲᑎᒪᔨᕋᓛᑦ ᐃᒃᓯᕙᐅᑕᖓ ᔪᐊᔾ ᕼᐃᒃᔅ, ᒪᓕᒐᓕᐅᖅᑎᐅᔪᖅ ᐃᖃᓗᐃᑦ−ᑕᓯᓗᒻᒧᑦ.

ᑐᑭᓯᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᒫᓐᓇᓕᓴᐅᓛᖁᑎᖏᑦ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓃᑦ ᖃᕋᓴᐅᔭᒃᑯᑦ ᐲᔭᖅᑕᐅᔪᓐᓇᖅᑐᑦ ᐅᑯᓇᓐᖓᑦ ᖃᕋᓴᐅᔭᒃᑯᑦ ᑐᕌᕈᑏᓐᓂᑦ: 

www.assembly.nu.ca ᐊᒻᒪᓗ www.atipp-nu.ca

ᑭᒡᒐᖅᑐᐃᔨᐅᔫᑉ ᓱᕈᓯᕐᓄᑦ ᒪᒃᑯᑦᑐᓄᓪᓗ ᒫᓐᓇᓕᓴᐅᓛᖁᑎᖏᑦ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᓕᐊᒥᓃᑦ ᖃᕋᓴᐅᔭᒃᑯᑦ ᐲᔭᖅᑕᐅᔪᓐᓇᖅᑐᑦ ᐅᑯᓇᓐᖓᑦ ᖃᕋᓴᐅᔭᒃᑯᑦ ᑐᕌᕈᑏᓐᓂᑦ: 

www.assembly.nu.ca ᐊᒻᒪᓗ www.rcynu.ca

ᑕᐃᒃᑯᐊ ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᖓᓄᑦ ᓄᓇᕗᑦ: 2025-ᒥ ᖃᐅᔨᓴᕆᐊᒃᑲᓂᕐᓂᕆᔪᔭᖓᓂᑦ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᑎᕋᐅᑎᐅᔪᓂᑦ ᓄᓇᕗᒻᒥ ᐲᔭᖅᑕᐅᔪᓐᓇᖅᑐᑦ ᐅᑯᓇᓐᖓᑦ ᑐᕌᕈᑎᓂᑦ:

https://www.assembly.nu.ca ᐊᒻᒪᓗ https://www.oag-bvg.gc.ca

ᒫᓐᓇᓕᓴᐅᓛᖑᑦ ᓄᓇᕗᑦ ᒐᕙᒪᖓᑕ ᑮᓇᐅᔭᓕᕆᔾᔪᑎᒥᓂᖏᑦ ᐲᔭᖅᑕᐅᔪᓐᓇᖅᑐᑦ ᐅᕙᓐᖓᑦ ᑐᕌᕈᑎᓂᑦ:

www.assembly.nu.ca ᐊᒻᒪᓗ www.gov.nu.ca

ᑲᑎᒪᔨᕋᓛᑦ ᑕᓚᕖᓴᒃᑰᖅᑐᑎᒃ ᓈᓚᓐᓂᖃᖅᑎᑦᑎᓂᖏᑦ ᐱᒋᐊᓛᖅᑐᑦ 1:30 ᐅᓐᓄᓴᒃᑯᑦ ᑲᑎᒪᕐᔪᐊᖅᕕᖓᓂ ᒪᓕᒐᓕᐅᖅᕕᐅᑉ ᑎᓴᒻᒥᐅᓕᖅᑲᑦ, ᐄᐳᕈ 24, 2025-ᒥ. ᑖᒃᑯᐊ ᓈᓚᓐᓂᖃᖅᑎᑦᑎᓂᐅᔪᑦ ᑕᓚᕖᓴᒃᑯᑦ ᑕᑯᒃᓴᐅᓛᖅᑐᑦ ᓄᓇᓕᓐᓂ ᑲᓱᖅᓯᒪᔪᓂᑦ ᑕᓚᕖᓴᖃᖅᑐᓄᑦ ᐊᒻᒪᓗ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕖᓴᓕᓐᓄᑦ ᕕᐊᒃᑯᑎᒍᑦ (ᓈᓴᐅᑖ 513) ᐊᒻᒪᓗ ᓵᒃᑯᑦ (ᓈᓴᐅᑖ ᐱᑐᖃᐅᓂᖅᓴᒃᑯᑦ 289 − / ᓈᓴᐅᑖ 489 ᓄᑖᖑᓂᖅᓴᒃᑯᑦ) ᓴᖅᑭᔮᖅᕕᖏᒍᑦ. 

ᓈᓚᓐᓂᖃᖅᑎᑦᑎᔪᑦ ᑕᕝᕙᑦᑕᐅᑎᒋ ᑕᑯᒃᓴᐅᔪᓐᓇᓛᖅᑐᑦ ᐅᕙᓂ:

https://assembly.nu.ca/webcasts.

ᐃᖃᓗᒻᒥᐅᑕᑦ ᓈᓚᒍᓐᓇᓛᕐᒥᔪᑦ ᓈᓚᐅᑎᒃᑯᑦ ᑐᓴᖅᓴᐅᑦᑕᐅᑎᒋᔪᓂᑦ ᓈᓚᓐᓂᖃᖅᑎᑦᑎᔪᓂᑦ ᐅᑯᐊ ᓈᓚᐅᑏᑦ ᑐᓴᖅᓴᐅᕕᖏᓐᓂ FM−ᒥ: ᐅᖃᖅᑐᓕᒫᑦ ᑕᒪᒃᑮᓐᓂ ᐅᖃᐅᓰᓐᓂ: 92.5 / ᐃᓄᒃᑎᑐᑦ: 94.7 / ᖃᓪᓗᓈᑎᑐᑦ: 102.1.

-30-

ᑐᑭᓯᒋᐊᕈᒪᒍᒃᓯ ᖃᕋᓴᐅᔭᒃᑯᑦ ᐅᕗᓐᖓᕈᓐᓇᖅᑐᓯ:
LegInfo@assembly.nu.ca