ᐃᖃᓗᐃᑦ, ᓄᓇᕗᑦ (ᐋᒡᒌᓯ 19, 2025) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖏᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓛᕐᒪᑕ ᓯᑎᐱᕆ 4-5, 2025−ᒥ, ᐱᔾᔪᑎᖃᕐᓗᑎᒃ ᐅᓂᒃᑳᓕᐊᒥᓂᖏᓐᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᖓᓄᑦ ᓄᓇᕗᑦ, ᐊᑎᖃᖅᑐᒥᑦ: ᑭᒃᑯᓕᒫᓄᑦ ᑐᕌᖓᔪᓂᑦ ᐃᓪᓗᓕᕆᓂᖅ ᓄᓇᕗᒻᒥ.
ᑖᒃᑯᐊ ᐅᓂᒃᑳᓕᐊᒥᓃᑦ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᔪᒻᒪᑕ ᐃᒃᓯᕙᓂᖃᖅᑎᓪᓗᒋᑦ ᒪᐃ 26, 2025−ᒥ. ᑖᓐᓇ ᐅᓂᒃᑳᓕᐊᒥᓂᖅ ᐅᑯᓇᓐᖓᑦ ᖃᕋᓴᐅᔭᒃᑯᑦ ᑐᕌᕈᑎᓂᑦ ᐱᔭᐅᔪᓐᓇᖅᑐᖅ:
ᐊᒻᒪᓗ
https://www.oag-bvg.gc.ca/internet/English/nun_202505_e_44639.html
ᐊᖏᔪᖅᑲᐅᑎᐅᔪᑦ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐᖓᓂᑦ ᐊᒻᒪᓗ ᓄᓇᕗᒻᒥ ᐃᓪᓗᓕᐅᖅᑎᑯᓐᓂᑦ ᓴᖅᑭᔮᖅᑐᖃᓛᖅᑐᖅ ᑭᐅᔭᖅᑐᖅᓯᒪᔪᓂᑦ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓂᐅᔪᓄᑦ.
“ᑕᓛᕖᓴᒃᑰᕐᓗᑕ ᓈᓚᓐᓂᖃᖅᑎᑦᑎᓂᕗᑦ ᐱᕕᖃᖅᑎᑦᑎᓛᖅᑐᖅ ᐱᕕᖃᖅᑎᑦᑎᓛᕐᒪᑦ ᒪᓕᒐᓕᐅᖅᑎᐅᖃᑕᐅᔪᓄᑦ ᒪᓕᒐᓕᐅᖅᕕᒻᒥ ᐃᓱᒪᒃᓴᖅᓯᐅᕈᑎᖃᕈᓐᓇᕐᓗᑎᒃ ᖃᓄᑎᒋ ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᑯᐊᐳᕇᓴᓐᖓ ᐱᓕᕆᒋᐊᖅᓯᒪᒻᒪᖔᖅ ᐱᓕᕆᐊᖃᕐᓗᑎᒃ ᐊᑐᓕᖁᔭᓕᐊᒥᓂᐅᔪᓂᑦ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᓄᑦ, ᐅᖃᖅᑐᖅ ᑲᑎᒪᔨᕋᓛᑦ ᐃᒃᓯᕙᐅᑕᖓ ᔪᐊᔾ ᕼᐃᒃᔅ, ᒪᓕᒐᓕᐅᖅᑎᐅᔪᖅ ᐃᖃᓗᐃᑦ−ᑕᓯᓗᒻᒧᑦ.
ᑲᑎᒪᔨᕋᓛᑦ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓂᖏᑦ ᐱᒋᐊᓛᖅᑐᑦ 11:00 ᐅᓪᓛᒃᑯᑦ ᑲᑎᒪᕐᔪᐊᖅᕕᖓᓂ ᒪᓕᒐᓕᐅᖅᕕᐅᑉ ᕿᑎᖅᑰᑕᐅᓕᖅᑲᑦ, ᓯᑎᐱᕆ 4, 2025-ᒥ. ᑖᒃᑯᐊ ᓈᓚᓐᓂᖃᖅᑎᑦᑎᓂᐅᔪᑦ ᑕᓚᕖᓴᒃᑯᑦ ᑕᑯᒃᓴᐅᓛᖅᑐᑦ ᑲᓱᖅᓯᒪᔪᒃᑯᑦ ᑕᓚᕖᓴᓕᓐᓂ ᐊᒻᒪᓗ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕖᓴᓕᓐᓂ ᕕᐊᓪᑯᑎᒍᑦ (ᓈᓴᐅᑖ 513) ᐊᒻᒪᓗ ᓵᒃᑯᑎᒍᑦ (ᓈᓴᐅᑖ 181) ᓴᖅᑭᔮᖅᕕᖏᓐᓂ.
ᓈᓚᓐᓂᖃᖅᑎᑦᑎᓂᐅᔪᑦ ᑕᑯᒃᓴᐅᑦᑕᐅᑎᒋᓛᖅᑐᑦ ᖃᕋᓴᐅᔭᒃᑯᑦ ᐅᕙᓂ: https://assembly.nu.ca/webcasts.
ᐃᖃᓗᒻᒥᐅᑕᐃᑦ ᓈᓚᒍᓐᓇᓛᕐᒥᔪᑦ ᓈᓚᐅᑎᒃᑯᑦ ᑐᓴᖅᓴᐅᑦᑕᐅᑎᒋᔪᓂᑦ ᓈᓚᓐᓂᖃᖅᑎᑦᑎᑎᓪᓗᒋᑦ ᐅᕙᓂ ᓈᓚᐅᑎᒃᑯᑦ FM-ᑯᑦ ᑐᓴᖅᓴᐅᕕᐅᔪᓂ: ᐅᖃᖅᑐᓕᒫᑦ 92.5 / ᐃᓄᒃᑎᑐᑦ 94.7 / ᖃᓪᓗᓈᑎᑐᑦ 102.1.
-30-
ᑐᑭᓯᒃᑲᓐᓂᕈᒪᒍᒃᓯ:
LegInfo@assembly.nu.ca
| Attachment | Size |
|---|---|
| ᑐᓴᕋᒃᓴᖅ ᓴᖅᑭᖅᑕᐅᔪᖅ | 148.04 KB |