ᐅᖄᓚᐅᑖ: (867) 975-5014
ᓱᒃᑲᔪᒃᑰᕈᑖ: (867) 975-5112
ᖃᕆᓴᐅᔭᒃᑯᑦ ᑐᕌᕈᑖ: djoanasie@assembly.nu.ca
P.O. Box 156
Cape Dorset, NU
X0A 0C0
ᐅᖄᓚᐅᑖ: (867) 897-8753
ᓱᒃᑲᔪᒃᑰᕈᑖ: (867) 897-8645
ᖃᕆᓴᐅᔭᒃᑯᑦ ᑐᕌᕈᑖ: davidjoanasie@southbaffinmla.ca
General Delivery
Kimmirut, NU
X0A 0N0
ᐅᖄᓚᐅᑖ: (867) 939-2778
ᓱᒃᑲᔪᒃᑰᕈᑖ: (867) 939-2779
ᖃᕆᓴᐅᔭᒃᑯᑦ ᑐᕌᕈᑖ: kimmirut@southbaffinmla.ca
ᐅᑉᐱᓇᖅᑐᖅ ᑕᐃᕕᑎ ᔪᐊᓇᓯ ᓂᕈᐊᖅᑕᐅᒋᐊᓐᖓᓚᐅᖅᓯᒪᔪᖅ 2013-ᒥ ᐱᔨᑦᑎᖁᔭᐅᓪᓗᓂ ᑎᓴᒪᒋᔭᖓᓂ ᒪᓕᒐᓕᐅᖅᕕᖓᓂ ᓄᓇᕗᑦ ᒪᓕᒐᓕᐅᖅᑎᐅᓂᐊᕐᓗᓂ ᕿᑭᖅᑖᓘᑉ ᓂᒋᐊᓄᑦ. ᓂᕈᐊᖅᑕᐅᓕᖅᑭᖃᑦᑕᔪᔪᖅ 2017-ᒥ, 2021-ᒥ ᐊᒻᒪᓗ 2025-ᒥ ᐱᔨᑦᑎᖁᔭᐅᓪᓗᓂ ᑕᓪᓕᒪᒋᔭᖓᓂ, ᐊᖅᕕᓕᓂᕆᔭᖓᓂ ᐊᒻᒪᓗ 7-ᒋᔭᖓᓂ ᒪᓕᒐᓕᐅᖅᕕᓐᓂ. 2021−ᒥ ᐊᒻᒪᓗ 2025-ᒥ ᓂᕈᐊᖅᑕᐅᓚᐅᖅᑐᖅ ᐃᓕᔭᐅᑐᐃᓐᓇᖅᑐᓂ.
ᒥᔅᑕ ᔪᐊᓇᓯ ᓂᕈᐊᖅᑕᐅᓚᐅᖅᑐᖅ ᐱᔨᑦᑎᖁᔭᐅᓪᓗᓂ ᐅᖃᖅᑎᒋᔭᐅᓗᓂ ᒪᓕᒐᓕᐅᖅᕕᒻᒥ ᓄᓇᕗᒻᒥ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ ᓄᕕᐱᕆ 17, 2025-ᒥ. ᐅᖃᖅᑎᐅᑉ ᐃᒃᓯᕙᐅᑕᖓᓂ ᐃᓂᖃᓕᔪᔪᖅ ᓯᕗᓪᓕᖅᐹᒥᑦ ᐃᒃᓯᕙᓂᖃᖅᑎᓪᓗᒋᑦ 7-ᒋᔭᖓ ᒪᓕᒐᓕᐅᖅᕕᒃ ᓄᕕᐱᕆ 20, 2025-ᒥ.
ᒥᔅᑕ ᔪᐊᓇᓯ ᐃᒃᓯᕙᖃᑦᑕᔪᔪᖅ ᒪᓕᒐᓕᐅᖅᑎᐅᖃᑕᐅᓪᓗᓂ ᑎᓴᒪᒋᔭᖓᓂ, ᑕᓪᓕᒪᒋᔭᖓᓂ ᐊᖅᕕᓕᓂᕆᔭᖓᓂᓗ ᒪᓕᒐᓕᐅᖅᕕᓐᓂ. ᑎᓴᒪᒋᔭᖓᓂ ᒪᓕᒐᓕᐅᖅᕕᒻᒥ, ᒥᔅᑕ ᔪᐊᓇᓯ ᐱᔨᑦᑎᖃᑦᑕᓚᐅᖅᑐᖅ ᐃᒃᓯᕙᐅᑕᐅᖃᑕᐅᓪᓗᓂ ᒪᓕᒐᓕᐅᖅᑎᑐᐃᓐᓇᐃᑦ ᑲᑎᒪᔨᖏᓐᓂ ᐊᒻᒪᓗ ᑲᑎᒪᔨᐅᓪᓗᓂ ᑲᑎᒪᔨᓕᕆᔩᑦ ᑲᑎᒪᔨᖏᓐᓂ. ᑕᓪᓕᒪᒋᔭᖓᓂ ᐊᒻᒪᓗ ᐊᖅᕕᓕᓂᕆᔭᖓᓂ ᒪᓕᒐᓕᐅᖅᕖᓐᓂ, ᐊᑕᐅᓯᐅᓐᖏᑦᑐᒥᑦ ᒥᓂᔅᑕᐅᕕᒻᒥᑦ ᑎᒍᒥᐊᓚᐅᖅᑐᖅ, ᐃᓚᖃᖅᑐᓂᑦ ᒐᕙᒪᒃᑯᓐᓄᑦ ᓯᕗᒃᑲᑕᖅᑎᐅᓂᕐᒥᑦ.
ᓂᕈᐊᖅᑕᐅᓚᐅᕋᓂ ᒪᓕᒐᓕᐅᖅᕕᒻᒧᑦ, ᐃᖅᑲᓇᐃᔮᖃᓚᐅᖅᑐᖅ ᑐᓴᐅᒪᖃᑎᒌᑦᑎᑦᑎᔨᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ. ᐃᖅᑲᓇᐃᔭᓚᐅᖅᓯᒪᓂᖏᑦ ᐃᓚᖃᖅᑐᑦ ᐃᖅᑲᓇᐃᔮᓂᑦ ᓄᓇᕗᑦ ᒐᕙᒪᖓᑕ ᐱᓕᕆᕕᖓᓂ ᐃᓕᖅᑯᓯᓕᕆᓂᖅ, ᐅᖃᐅᓯᓕᕆᓂ, ᐃᓐᓇᑐᖃᓕᕆᓂᖅ ᐊᒻᒪᓗ ᒪᒃᑯᑦᑐᓕᕆᓂᕐᒥ ᐊᒻᒪᓗ ᐃᓄᐃᑦ ᑕᐱᕇᒃᑯᓐᓂ ᑲᓇᑕᒥ.
ᒥᔅᑕ ᔪᐊᓇᓯ ᐱᔨᑦᑎᖃᑦᑕᖅᓯᒪᔪᖅ ᓄᓇᕗᒻᒥ ᐱᓐᖑᐊᖅᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᐅᓪᓗᓂ ᐊᒻᒪᓗ ᐃᓚᐅᓯᒪᓪᓗᓂ ᓄᓇᕗᒻᒥ ᒪᒃᑯᑦᑐᑦ ᐊᐅᓪᓚᖃᑦᑕᖅᑎᑕᐅᓂᖏᓐᓂᑦ ᐱᓕᕆᓂᐅᔪᒥ. ᑲᑎᒪᔨᐅᖃᑕᐅᓯᒪᒻᒥᔪᖅ ᑐᒥᑯᓗᐃᑦ ᓴᐃᐹᕿᕕᒻᒥ ᐸᐃᕆᕕᒻᒥ.
ᒥᔅᑕ ᔪᐊᓇᓯ ᐱᔭᕇᖅᓯᒪᓂᖓᓄᑦ ᐃᓕᑕᕆᔭᐅᔾᔪᑎᖃᖅᑐᖅ ᓇᒻᒥᓂᖃᐅᑎᓕᕆᓂᕐᒥ ᑐᓴᐅᒪᖃᑎᒌᑦᑐᓕᕆᓂᒧᑦ ᓴᐃᓐ ᒥᐊᕆᐅᑉ ᓯᓚᑦᑐᓴᖅᕕᔾᔪᐊᖓᓂ ᐊᒻᒪᓗ ᐱᔭᕇᖅᓯᒪᓂᖓᓄᑦ ᐃᓕᑕᕆᔭᐅᔾᔪᑎᖃᒐᕆᓗᓂ ᐋᓪᒑᑯᐊᓐ ᓯᓚᑦᑐᓴᖅᕕᒻᒥᑦ. ᐃᓚᐅᓯᒪᒻᒥᔪᖅ ᐃᓕᓐᓂᐊᖅᑎᐅᖃᑕᐅᓪᓗᓂ ᓄᓇᕗᑦ ᓯᕗᓂᒃᓴᕗᒻᒥ ᐋᑐᕚᒥ.
ᑕᐃᕕᑎ ᐊᒻᒪᓗ ᐃᐊᒪᓕ ᔪᐊᓇᓯ ᐅᐱᒍᓱᑦᑐᑎᒃ ᐊᖏᔪᖅᑳᕆᔭᐅᔫᒃ ᐅᑯᓄᖓ ᕿᑐᕐᖓᖏᓐᓄᑦ ᓴᐃᕆ, ᓯᓐᑐᐊ, ᖁᓕᑦᑕᓕᒃ, ᐱᑦᑖᓗᒃ ᐊᒻᒪᓗ ᐸᑦᑐ. ᐅᐱᒍᓱᑦᑐᑎᒃ ᐃᕐᖑᑕᖃᕐᒥᔫᒃ ᐊᐃᓚ ᓂᑭᑦᑕᐃᒥᑦ.
ᒥᔅᑕ ᔪᐊᓇᓯᐅᑉ ᖁᕕᐊᒋᔭᖏᑦ ᐃᓚᖃᖅᑐᑦ ᐊᖑᓇᓱᓐᓂᕐᒥᑦ, ᐃᖅᑲᓪᓕᐊᖃᑦᑕᓂᕐᒥᑦ, ᕼᐋᑭᕐᓂᕐᒥᑦ, ᐊᐅᓪᓚᕈᓘᔭᖃᑦᑕᓂᕐᒥᑦ, ᐃᓄᐃᑦ ᐃᓕᖅᑯᓯᖏᑎᒍᑦ ᓄᓇᒥ ᐊᓯᕙᖅᓯᒪᖃᑦᑕᓂᕐᒥᑦ ᐊᒻᒪᓗ ᐃᓄᐃᑦ ᐅᖃᐅᓯᖏᑎᒍᑦ ᐊᔾᔨᒌᓐᖏᑦᑐᓂᑦ ᐊᐅᓚᔫᓕᐅᕐᓂᕐᒥᑦ.