ᐃᓇᑦᑎᔾᔪᑎᑦ ᐱᓇᓱᖁᔨᓪᓗᑎᒃ ᐃᖅᑲᓇᐃᔮᒃᓴᒥᒃ ᐅᖃᓯᕐᓄᑦ ᑲᒥᓴᓇ ᓄᓇᕗᒧᑦ

ᐱᓇᓱᐊᕈᒪᔪᑦ ᑐᓐᖓᓱᑦᑎᑕᐅᕗᑦ ᐃᖅᑲᓇᐃᔮᖑᔪᒥᑦ ᐅᖃᐅᓯᕐᓄᑦ ᑲᒥᓴᓇᐅᑉ ᐃᓂᖓᓂᑦ ᓄᓇᕗᒻᒥ. ᑖᓐᓇ ᑕᓪᓕᒪᓄᑦ ᐊᕐᕌᒍᓄᑦ ᐊᑕᒐᔭᕐᓗᓂ ᒪᓕᒐᖅᑎᒍ ᑎᒃᑯᐊᖅᑕᐅᓯᒪᕕᐅᔪᖅ ᖃᐅᑕᒫᑦ ᐃᖅᑲᓇᐃᔮᖑᔪᖅ. 

ᐅᖃᐅᓯᕐᓄᑦ ᑲᒥᓴᓇ ᐃᒻᒥᒃᑰᖓᓪᓗᓂ ᐱᓕᕆᔨᐅᔪᖅ ᒪᓕᒐᓕᐅᖅᕕᒻᒧᑦ. ᑖᒃᓱᒥᖓ ᐊᓪᓚᕕᒻᒥᑦ ᑎᒍᒥᐊᖅᑎᐅᔪᖅ ᑎᒃᑯᐊᖅᑕᐅᓲᖑᔪᖅ ᒪᓕᑦᑐᑎᒃ ᐊᑐᓕᖁᔭᓕᐊᒥᓂᐅᔪᒥᑦ ᒪᓕᒐᓕᐅᖅᕕᒻᒥ, ᒪᓕᑦᑐᑎᒃ ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᕐᔪᐊᖓᓂᑦ. ᑖᓐᓇ ᐃᖅᑲᓇᐃᔮᖅ ᑎᒍᒥᐊᖅᑐᖅ ᐊᔾᔨᒌᓐᖏᑦᑐᓂᑦ ᓴᓐᖏᓂᐅᔪᓂᑦ ᐱᓕᕆᐊᖑᒋᐊᓕᓐᓂᓪᓗ ᐊᑖᒍᑦ ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᕐᔪᐊᖓᒍᑦ ᐊᒻᒪᓗ ᐃᓄᐃᑦ ᐅᖃᐅᓯᖏᓐᓂᑦ ᓴᐳᒻᒥᑦᑎᒍᑎᐅᔪᒥᑦ ᐱᖁᔭᕐᔪᐊᖑᔪᒥᒃ. ᐊᔾᔨᖏᑦ ᐱᖁᔭᕐᔪᐊᑦ ᐱᔭᐅᔪᓐᓇᖅᑐᑦ ᐅᕙᓐᖓᑦ: www.nunavutlegislation.ca. 

ᑕᐃᓐᓇ ᓂᕈᐊᖅᑕᐅᔪᖅ ᐱᓕᕆᓚᐅᖅᓯᒪᔭᕆᐊᓕᒃ ᖁᑦᑎᓂᖅᓴᒥ ᐊᐅᓚᑦᑎᔨᐅᓂᕐᒥᑦ ᓴᓐᖏᔪᒥᓪᓗ ᖃᐅᔨᒪᓂᖃᕐᓗᓂ ᐃᓕᑕᕆᔭᐅᓯᒪᔪᑦ ᐅᖃᐅᓰᑦ ᐱᖁᔭᕐᔪᐊᖏᓐᓂᑦ, ᐱᖃᓯᐅᑎᓗᒋᑦ ᑲᓇᑕᒥ ᓴᖑᕙᓪᓕᐊᓂᐅᔪᓂᑦ ᐅᖃᐅᓯᕐᓄᑦ ᐱᔪᓐᓇᐅᑎᓂ. ᐃᖅᑲᓇᐃᔭᓚᐅᖅᓯᒪᓂᖓ ᐃᓚᖃᕆᐊᖃᖅᑐᖅ ᐃᖅᑲᓇᐃᔭᑦᑎᐊᖅᓯᒪᓂᖓᓂᑦ ᑮᓇᐅᔭᓕᕆᓂᕐᒥ ᐃᖅᑲᓇᐃᔭᖅᑎᓕᕆᓂᕐᒥᓪᓗ ᐊᐅᓚᑦᑎᓂᕐᒥᑦ. ᐃᖅᑲᓇᐃᔮᒥᑦ ᐱᓇᓱᐊᖅᑐᑦ ᐊᔪᓐᖏᑦᑎᐊᕆᐊᓖᑦ ᐅᖃᓕᒫᕈᓐᓇᕐᓗᑎᓪᓗ ᐃᓄᐃᑦ ᐅᖃᐅᓯᖓᓂᑦ ᐊᒻᒪᓗ ᐊᑕᐅᓯᒃᑲᓂᕐᒥᑦ ᓄᓇᕗᒻᒥ ᐃᓕᑕᕆᔭᐅᓯᒪᔪᒥᑦ ᐅᖃᐅᓯᕐᒥᑦ. ᑖᓐᓇ ᑎᒃᑯᐊᖅᓯᓂᖅ ᑐᕌᖓᔪᖅ ᑕᐃᒃᑯᓄᖓᑐᐊᖅ ᓄᓇᕗᒻᒥ ᐃᓄᖑᔪᓄᑦ. 

ᐃᓗᓕᖅᑐᔪᖅ ᐃᖅᑲᓇᐃᔮᑉ ᓇᓗᓇᐃᖅᑐᖅᑕᐅᔾᔪᑎᖓ ᐊᑐᐃᓐᓇᐅᕗᖅ ᐊᓪᓚᕝᕕᖓᓂᑦ ᒪᓕᒐᓕᐅᖅᕕᐅᑉ ᐊᒻᒪᓗ ᐲᖅᑕᐅᔪᓐᓇᖅᑐᓂ ᒪᓕᒐᓕᐅᖅᕕᐅᑉ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓂ: www.assembly.nu.ca. ᐊᕐᕌᒍᑕᒫᖅᓯᐅᑎᑦ ᐅᓂᒃᑳᓕᐊᒥᓃᑦ ᐊᒻᒪᓗ ᐊᓯᖏᑦ ᑎᑎᕋᖅᑕᒥᓂᐅᔪᑦ ᐊᓪᓚᕝᕕᖓᓄᑦ ᐅᖃᐅᓯᕐᓄᑦ ᑲᒥᓴᓇᐅᑉ ᐊᑐᐃᓐᓇᐅᒻᒥᔪᑦ ᐅᕙᓂ: www.langcom.nu.ca. 

ᐃᖅᓇᐃᔮᒥᑦ ᐱᓇᓱᐊᖅᑐᑦ ᓇᖢᓇᐃᖅᑐᐃᑦᑎᐊᕆᐊᓖᑦ ᖃᓄᖅ ᑎᒍᒥᐊᕐᒪᖔᕐᒥᓂᒃ ᖃᐅᔨᒪᔭᐅᔭᕆᐊᓕᓐᓂᑦ ᐊᔪᓐᖏᓐᓂᐅᒋᐊᖃᖅᑐᓂᓪᓗ ᑎᑎᕋᖅᓯᒪᔪᓂᑦ ᐃᖅᑲᓇᐃᔮᑉ ᓇᓗᓇᐃᖅᑐᖅᑕᐅᔾᔪᑎᖓᓂ. ᑮᓇᐅᔭᒃᔭᒃᓵᖑᔪᓐᓇᖅᑐᑦ ᑖᒃᓱᒧᖓ ᐃᖅᑲᓇᐃᔮᒧᑦ ᐊᑯᓐᓂᖓᓃᑦᑐᑦ $157,970−ᒥᑦ ᑕᑉᐸᐅᖓ $225,672−ᒧᑦ ᐊᕐᕌᒍᑕᒫᖅ. ᑕᐃᓐᓇ ᓂᕈᐊᖅᑕᐅᔪᖅ ᐃᖃᓗᓐᓂ ᓄᓇᖃᓐᖏᑉᐸᑦ ᑎᒃᑯᐊᖅᑕᐅᕕᖓᓂ ᐅᓪᓗᖓᓂ, ᐊᐅᓪᓛᖅᑎᕈᑎᖏᓐᓄᑦ ᐃᑲᔪᖅᑕᐅᒐᔭᖅᑐᖅ. ᐃᑲᔫᓯᐊᖅᑕᖅᑐᒥᑦ ᐃᖅᑲᓇᐃᔭᖅᑎᓄᑦ ᐃᓪᓗᒃᓴᒥᑦ ᐊᑐᐃᓐᓇᖅᑕᖃᖅᑐᖅ. ᐃᖅᑲᓇᐃᔮᒥᑦ ᐱᓇᓱᐊᕈᑏᑦ ᐱᔭᐅᖃᑦᑕᓂᐊᖅᑐᑦ ᐃᓱᓕᒃᕕᖃᕐᓗᑎᒃ 5:00−ᒨᖅᑲᑦ (ᑲᓇᓐᓇᒥ) ᑕᓪᓕᕐᒥᐅᓕᖅᑲᑦ, ᔮᓐᓄᐊᕆ 31, 2025. ᖃᐅᔨᒪᓂᐊᖅᑯᓯ ᑕᐃᒃᑯᐊᑐᐊᖅ ᐃᖅᑲᓇᐃᔮᒥᑦ ᐱᓇᓱᐊᖅᑐᑦ ᐊᐱᖅᓱᖅᑕᐅᓛᖅᑐᑦᑐᐊᖅ ᖃᐅᔨᒃᑲᖅᑕᐅᒐᔭᕐᒪᑕ. 

ᐃᖅᑲᓇᐃᔮᒥᑦ ᐱᓇᓱᐊᕈᑏᑦ ᐊᐱᖅᑯᑏᓪᓗ ᐅᕗᖓ ᑐᕌᖅᑎᑕᐅᔭᕆᐊᖃᖅᑐᑦ: 

ᑎᑎᕋᖅᑎᖓᑦ ᑲᑎᒪᔨᓕᕆᔩᑦ ᑲᑎᒪᔨᑦ 
ᐊᓪᓚᕝᕕᖓ ᒪᓕᒐᓕᐅᖅᕕᐅᑉ ᓄᓇᕗᒻᒥ 
ᑎᑎᖅᑲᖃᐅᑎᖓ 1200, ᐃᖃᓗᐃᑦ, ᓄᓇᕗᑦ, X0A 0H0 
ᐅᖄᓚᐅᑎᖓ: (867) 975-5000 / ᓱᑲᔪᒃᑯᑦ: (867) 975-5191 
ᖃᕋᓴᐅᔭᒃᑯᑦ: submissions@assembly.nu.ca