ᐃᖃᓗᐃᑦ, ᓄᓇᕗᑦ (ᓯᑎᐱᕆ 9, 2013) - ᐅᓪᓗᒥ ᒪᓕᒐᓕᐅᖅᑏᑦ ᐱᖁᔨᕗᖔᕐᒥᒃ ᐊᓂᒍᐃᓚᐅᖅᐳᑦ ᐊᑐᓕᖁᔭᓕᐅᖅᓯᒪᔪᒥᒃ ᑖᓐᓇ ᑕᑦ ᕆᓵᑦ ᑎᒃᑯᐊᖅᑕᐅᖁᓪᓗᒍ ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᐊᓄᑦ. ᑖᓐᓇ ᐱᖁᔨᕗᖔᕈᑦ ᐃᓘᓐᓇᖏᓐᓄᑦ ᒪᓕᒐᓕᐅᖅᑎᓄᑦ ᐊᖏᖅᑕᐅᓚᐅᖅᑐᖅ.
ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ ᐅᖃᖅᓯᒪᔪᖅ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᐊᓃᑦᑐᑦ ᐃᓕᓯᒪᔪᓐᓇᖅᑎᑕᐅᓪᓗᑎᒃ ᑕᓪᓕᒪᓄᑦ ᐊᕐᕌᒍᓄᑦ. ᒫᓐᓇ ᓱᓕᑦᑎᐊᕐᓂᕐᒧᑦ ᑲᒥᓴᓇᕆᔭᐅᔫᑉ ᑎᒃᑯᐊᖅᑕᐅᓯᒪᓂᖓ ᐃᓱᓕᓐᓂᐊᖅᑐᖅ ᓯᑎᐱᕆ 9, 2013-ᒥ. ᒥᔅᑐ ᕆᓵᑉ ᑎᒃᑯᐊᖅᑕᐅᓂᖓ ᐊᑐᓯᒋᐊᕐᓂᐊᖅᑐᖅ ᓯᑎᐱᕆ 10, 2013-ᒥ.
ᑕᒪᑐᒪᓂ ᐊᕐᕌᒍᒥ ᔫᓂᐅᑎᓪᓗᒍ, ᒪᓕᒐᓕᐅᕐᕕᐅᑉ ᑲᑎᒪᔨᓕᕆᔨᒃᑯᑦ ᑲᑎᒪᔨᖏᑦ ᑕᖅᑲᒃᑯᓂᖓ ᑐᓐᖓᓵᕆᓚᐅᖅᑐᑦ ᐆᒃᑐᕈᒪᔪᓂᒃ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ.
ᒪᓕᒐᓕᐅᕐᕕᖕᒧᑦ ᐅᖃᖅᑎ ᕼᐊᓐᑐ ᑐᑐ ᐃᒪᐃᓕᓚᐅᖅᑐᖅ, “ᑲᓇᑕᒥᐅᓂᒃ ᐊᔪᓐᖏᑦᑎᐊᖅᑐᓂᒃ ᐆᒃᑐᖅᑐᖃᓚᐅᖅᑐᖅ ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᐃᓂᖓᓄᑦ. ᒥᔅᑐ ᕆᓵᑉ ᐃᖅᑲᖅᑐᐃᔨᐅᓚᐅᕐᓂᖓ ᐅᑭᐅᖅᑕᖅᑐᒥᓗ ᒪᓕᒐᓕᐅᖅᑎᐅᓚᐅᕐᓂᖓ ᑕᐃᒃᑯᓄᖓ ᐊᑭᑕᐅᔪᓐᓇᓚᐅᓐᖏᑦᑐᖅ.”
2010-ᒥ, ᒪᓕᒐᓕᐅᖅᑏᑦ ᒥᔅᑐ ᕆᓵᑦᒥᒃ ᑎᒃᑯᐊᖅᓯᓚᐅᖅᑐᑦ ᓄᓇᕗᒻᒥ ᓂᕈᐊᕐᓂᓕᕆᓂᕐᒧᑦ ᑭᒡᓕᖏᓐᓂᒃ ᕿᒥᕐᕈᔩᑦ ᐃᒃᓯᕙᐅᑕᖓᓐᓄᑦ. ᒥᔅᑐ ᕆᓵᑦ 1997-ᒥ ᓂᕈᐊᕐᓂᓕᕆᓂᕐᒧᑦ ᑭᒡᓕᖏᓐᓂᒃ ᕿᒥᕐᕈᔨᓄᑦ ᐃᒃᓯᕙᐅᑕᐅᓚᐅᖅᑐᖅ.
ᐅᖃᖅᑎ ᑐᑐ ᐃ,ᓪᓚ ᐅᖃᒃᑲᓪᓕ<ᐅᖅᓱᖅ, “ᒪᓕᒐᓕᐅᖅᑎᐅᖃᑎᒃᑲᓗ ᐱᕕᖃᕐᓂᑦᑎᓐᓂ ᖁᔭᓐᓇᒦᕈᒪᔭᕋ ᓄᐊᒪᓐ ᐱᑭᐅᓪ ᓄᓇᕗᒻᒥᐅᓄᑦ ᐱᔨᑦᑎᕈᓐᓇᓐᖑᐊᑕᖅᓯᓐᓇᓚᐅᕐᒪᑦ.”
ᒥᔅᑐ ᕆᑦᓱᑦ ᐃᖅᑲᓇᐃᔭᖃᑦᑕᖅᓯᒪᓂᑯᕕᓂᖏᓐᓄᑦ ᐅᓂᒃᑳᖅᓯᒪᔪᑦ ᐅᑯᓄᖓ ᐊᑦᑕᑕᖅᓯᒪᔪᑦ.
| Attachment | Size |
|---|---|
| ᒪᓕᒐᓕᐅᕐᕕᒃ ᐊᑐᓕᖁᔭᓕᐅᖅᐳᑦ ᑎᒃᑯᐊᖅᓯᖁᔨᓪᓗᑎᒃ ᓄᑖᕐᒥᒃ ᓄᓇᕗᒻᒥ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᓂᐊᖅᑐᒥᒃ | 114.9 KB |