ᐃᖃᓗᐃᑦ, ᓄᓇᕗᑦ (ᓄᕕᐱᕆ 15, 2013) - ᓄᓇᕗᑦ ᐅᖃᖅᑎᖁᑎᖓᑦ, ᓯᕗᓕᖅᑎᒃᓴᖓ ᐊᒻᒪ ᐊᐅᓚᑦᑎᔨᑦ ᑲᑎᒪᔨᒃᓴᖏᑦ ᐅᓪᓗᒥ ᓂᕈᐊᖅᑕᐅᖃᐅᕗᑦ ᓄᓇᕗᒥ ᓯᕗᓕᖅᑎᓂᒃ ᑲᑎᒪᕐᔪᑎᖃᖅᑎᓪᓗᒋᑦ. ᑲᑎᒪᑎᓪᓗᒋᑦ ᐃᓘᓐᓇᖏᑦ ᒪᓕᒐᓕᐅᖅᑎᑦ ᑲᑎᒪᔨᖏᑦ.
ᔪᐊᔾ ᖁᓚᐅᑦ, ᒪᓕᒐᓕᐅᖅᑎ ᐊᒥᑦᑐᕐᒧᑦ, ᐃᓄᑖᓪᓗᓂ ᓂᕈᐊᒐᒃᓴᐅᒐᒥ ᐅᖃᖅᑎᐅᑉ ᐃᓂᖓᓄᑦ ᐃᓕᔭᐅᑦᓴᐅᑎᒋᖅᑲᐅᔪᖅ.
ᐲᑕ ᑕᑉᑑᓇ ᒪᓕᒐᓕᐅᖅᑎᖓᑦ ᖁᕐᓗᖅᑐᕐᒧᑦ, ᓂᕈᕋᖅᑕᐅᖅᑕᐅᔪᖅ ᓯᕗᓕᖅᑎᐅᑉ ᐃᓂᖓᓄᑦ.
ᑲᑎᓪᓗᒋᑦ ᖁᓕᐅᔪᑦ ᐊᖏᖅᓯᖅᑲᐅᔪᑦ ᓂᕈᐊᒐᒃᓴᓐᖑᖅᑎᑕᐅᔪᑦ ᐊᐅᓚᑦᓯᔨᑦ ᑲᑎᒪᔨᒋᓂᐊᖅᑕᖏᓐᓄᑦ. ᐅᑯᐊ ᓂᕈᐊᖅᑕᐅᖅᑲᐅᔪᑦ: ᒫᓂᑲ ᐃᐅᓪ, ᒪᓕᒐᓕᐅᖅᑎ ᐃᖃᓗᐃᑦ ᒪᓂᕋᔭᒃ; ᔪᐊᔾ ᖁᕐᓱᒃ, ᒪᓕᒐᓕᐅᖅᑎ ᐊᕐᕕᐊᑦ ᐅᐊᖕᓇᖓᓄᑦ ᑎᑭᕋᕐᔪᐊᕐᒧᑦ; ᔮᓂ ᒪᐃᒃ, ᒪᓕᒐᓕᐅᖅᑎ ᐸᖕᓂᖅᑑᕐᒧᑦ; ᐸᐅᓪ ᐅᑲᓕᖅ, ᒪᓕᒐᓕᐅᖅᑎ ᐃᖃᓗᐃᑦ ᓯᓈᖓᓄᑦ, ᑮᑦ ᐱᑐᓴᓐ, ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ; ᐸᐅᓪ ᖁᐊᓴᖅ, ᒪᓕᒐᓕᐅᖅᑎ ᐊᒡᒍᒧᑦ; ᑖᒥ ᓴᒻᒧᖅᑐᖅ, ᒪᓕᒐᓕᐅᖅᑎ ᑲᖏᕐᖠᓂᐅᑉ ᐅᐊᖕᓇᖓᓄᑦ − ᐃᒡᓗᓕᒑᕐᔪᖕᒧᑦ; ᐊᒻᒪ ᔩᓂ ᐅᒡᔪᒃ, ᒪᓕᒐᓕᐅᖅᑎ ᓇᑦᓯᓕᖕᒧᑦ.
ᑖᒃᑯᐊ ᒪᓕᒐᓕᐅᖅᑎᑦ ᑲᑎᒪᔨᖏᑕ ᐊᒻᒪ ᐊᐅᓚᑦᓯᔨᑦ ᑲᑎᒪᔨᖏᑕ ᐱᖁᔭᕐᔪᐊᖏᑦ ᒪᓕᒐᖃᖅᑎᑦᓯᕗᑦ ᓯᕗᓕᖅᑎ ᐃᓱᒪᖅᓱᕐᓂᐊᕐᓗᓂ ᒥᓂᔅᑕᐃᑦ ᓂᕈᐊᖅᑕᐅᔪᑦ ᖃᓄᐃᑦᑐᓂᒃ ᒥᓂᔅᑕᐅᕝᕕᖃᕐᓂᐊᕐᒪᖔᑕ.
ᐱᖁᔨᕗᖔᖅᑎᒍᑦ ᓇᓗᓇᐃᖅᓯᓂᐊᖅᑐᒍᑦ ᐅᖃᖅᑎᐅᑉ, ᓯᕗᓕᖅᑎᐅᑉ ᐊᒻᒪ ᒥᓂᔅᑕᐃᑦ ᑲᑎᒪᔨᖏᑦᑕ ᑎᒃᑯᐊᖅᑕᐅᓂᖏᓐᓂᒃ, ᑎᓴᒪᖓᓐᓂ ᒪᓕᒐᓕᐅᖅᑏᑦ ᐅᓪᓗᖅ ᓯᕗᓪᓕᖅᐹᒥᒃ ᑲᑎᒪᕐᔪᐊᕐᓂᖃᓕᖅᐸᑕ ᐊᐃᑉᐱᕐᒥ, ᓄᕕᐱᕆ 19, 2013-ᒥ 1:30-ᒧᐊᖅᐸᑦ ᐅᖅᑯᕐᒥᐅᑦ ᓯᕿᕐᖑᔭᖓ ᒪᓕᒡᓗᒍ.
ᑎᓴᒪᖓᓐᓂ ᒪᓕᒐᓕᐅᖅᑏᑦ ᐊᖏᖅᑎᑕᐅᓂᐊᖅᑐᑦ 9:30-ᒧᐊᖅᐸᑦ ᐅᓪᓛᒃᑯᑦ ᐊᐃᑉᐱᕐᒥ, ᓄᕕᐱᕆ 19, 2013-ᒥ ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ.
ᖃᓄᐃᓕᐅᕐᓂᓕᒫᖅ ᑕᖅᑲᒃᑯᓄᖓ ᒪᑐᐃᖓᔪᑦ ᑲᑎᒪᕐᔪᐊᕐᕕᖕᒥ ᐊᒻᒪ ᒪᓕᒐᓕᐅᕐᕕᐅᑉ ᑕᓚᕖᓴᒃᑰᕐᕕᖓᒍᑦ ᐃᕐᖐᓐᓇᖅ ᑕᑯᒃᓴᐅᑎᑕᐅᑲᐅᑎᒋᓂᐊᖅᖢᑎᒃ.
| Attachment | Size |
|---|---|
| ᓄᓇᕗᒥ ᓯᕗᓕᖅᑎᓂᒃ ᑲᑎᒪᔾᔪᑎᖃᕐᓂᒃᑯᑦ ᓂᕈᐊᕐᖠᖅᐳᑦ ᐅᖃᖅᑎᒃᓴᒥᒃ, ᓯᕗᓕᖅᑎᒃᓴᒥᒃ ᐊᒻᒪ ᒥᓂᔅᑕᐃᑦ ᑲᑎᒪᔨᒃᓴᖏᓐᓂᒃ | 127.82 KB |