ᐃᖃᓗᐃᑦ, ᓄᓇᕗᑦ (ᓯᑎᐱᕆ 28, 2020) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᖃᐅᒪᔨᑕᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ ᐸᐅᓕ ᖁᐊᓴ ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᐲᑕ ᑖᐸᑕᐃ ᑕᒪᑐᒪᓂ ᐊᕐᕌᒍᒥ ᐅᔭᒥᒃᑕᐅᓂᐊᕐᓂᖓᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ.
ᔭᓄᐊᕆ 1, 2010-ᖑᑎᓪᓗᒍ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑦ ᐱᖁᔭᕐᔪᐊᖓ ᐊᑐᓕᖅᑎᑕᐅᓚᐅᖅᓯᒪᕗᖅ. ᑖᓐᓇ ᐃᓕᓴᖅᓯᔾᔪᑦ ᐊᑐᖅᑕᐅᕙᒃᐳᖅ ᐃᓕᓴᖅᓯᓂᕐᒥᒃ ᐃᓄᖕᓂᒃ ᓄᓇᕗᒻᒥᒃ ᐃᑲᔪᓪᓚᕆᒃᓯᒪᓂᑯᓂᒃ. ᐃᓕᓴᖅᓯᔾᔪᑦ ᖁᕝᕙᓯᖕᓂᖅᐹᖑᕗᖅ ᐃᓕᓴᖅᓯᔾᔪᑎᓕᒫᓂᑦ ᓄᓇᕗᒻᒥ, ᐊᒻᒪ ᐊᓯᓕᒫᖏᓐᓂᒃ ᐃᓕᓴᖅᓯᔾᔪᑎᓂᒃ, ᓇᓗᓇᐃᒃᑯᑕᓂᒃ ᐅᔭᒥᖕᓂᓪᓘᓐᓃᑦ ᖄᖏᐅᔾᔨᓯᒪᓪᓗᓂ ᓴᖅᑭᑕᕕᓂᓕᒫᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ.
ᐲᑕ ᑖᐸᑕᐃ ᐃᖏᕐᕋᑦᑎᐊᖅᑐᒥᒃ ᓇᖕᒥᓂᖁᑎᖃᖅᐳᖅ ᐊᒻᒪ ᑕᖅᑲᒃᑯᓄᖓ ᐱᔨᑦᑎᕐᓂᖓ ᓴᖅᑭᔮᑦᑎᐊᖅᖢᓂ. ᐲᑕ ᑖᐸᑕᐃ ᐊᒥᓱᓂᒃ ᐃᓕᓴᖅᓯᔾᔪᑎᑖᖅᑎᑕᐅᓯᒪᕗᖅ ᓇᓗᓇᐃᒃᑯᑕᖅᑖᖅᑎᑕᐅᓯᒪᕗᕐᓗ, ᐃᓚᓕᐅᓪᓗᒍ ᑯᐃᓐ ᐃᓕᓴᐱ II ᐅᔭᒥᖓᓂᒃ ᐅᔭᒥᒃᑕᐅᓯᒪᓪᓗᓂ. ᐲᑕ ᑖᐸᑕᐃ ᓴᖅᑭᑦᑎᓯᒪᕗᖅ ᐲᑕᐅᑉ ᐊᒡᔭᖅᑐᐃᔨᖏᓐᓂᒃ ᑲᑉᐸᓂᐅᔪᒥᒃ ᖃᒪᓂᑦᑐᐊᕐᒥ, ᐊᒻᒪ ᖃᐅᔨᒪᔮᕆᔭᐅᑦᑎᐊᖅᖢᓂ ᐃᖅᑲᓇᐃᔭᖃᑦᑕᓚᐅᕐᓂᖓᓂᒃ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᓐᓄᑦ, ᐊᒻᒪ ᓴᖅᑭᑦᑎᔨᐅᓯᒪᓪᓗᓂ “ᓱᐳ ᓴᒨᒥᒃ.”
“ᑕᒪᑐᒪᓂ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᔪᖅ ᓄᓇᕗᓕᒫᒥ ᖃᐅᔨᒪᔭᐅᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᓂ ᒪᑭᒪᔪᓐᓇᖅᑐᓂᒃ ᑮᓇᐅᔭᓕᐅᕋᓱᐊᕈᑎᓂᒃ ᐱᕙᓪᓕᐊᑎᑦᑎᓂᕐᒥᒃ, ᐃᓄᐃᑦ ᐱᓯᓂᓯᖃᕈᓐᓇᕐᓂᖏᓐᓂᒃ ᐊᒻᒪ ᐃᓄᐃᑦ ᐱᖅᑯᓯᖏᓐᓂᒃ ᐅᐱᒋᔭᖃᕐᓂᕐᒥᒃ.” ᑕᐃᒪᓐᓇ ᐅᖃᓚᐅᖅᑐᖅ ᐅᖃᖅᑎ ᖁᐊᓴ.
ᐲᑕ ᑖᐸᑕᐃᑉ ᐅᔭᒥᒃᑕᐅᓂᐊᕐᓂᖓᑕ ᐅᓪᓗᐊ ᑭᖑᓂᐊᒍᑦ ᓇᓗᓇᐃᖅᑕᐅᓂᐊᖅᑐᖅ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᔮᓐ ᑯᐊᒃ, ᒪᓕᒐᓕᐅᕐᕕᖕᒧᑦ ᑎᑎᕋᖅᑎ ᐊᒻᒪ
ᓄᓇᕗᒻᒥ ᐱᓕᕆᑦᑎᐊᕐᓂᖁᓄᑦ ᐃᓕᓴᖅᓯᔾᔪᒻᒧᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ ᑎᑎᕋᖅᑎ
(867) 975-5000
| Attachment | Size |
|---|---|
| ᖃᐅᔨᒪᔨᑕᑦ ᑲᑎᒪᔨᖏᑦ ᓇᓗᓇᐃᖅᓯᕗᑦ ᑭᓇ ᐅᔭᒥᒃᑕᐅᓂᐊᕐᓂᖓᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ | 116.33 KB |