ᑲᑎᒪᔨᕋᓛᑦ ᑐᓴᖅᑕᐅᑎᑦᑎᕗᑦ ᖃᖓ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓛᕐᒪᖔᑕ

ᐃᖃᓗᐃᑦ, ᓄᓇᕗᑦ (ᐄᐳᕈ 12, 2021) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᖏᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐊᒻᒪᓗ ᑮᓇᐅᔭᖅᑐᕈᑎᖏᓐᓄᑦ ᑕᓚᕖᓴᒃᑯᑦ ᑕᑯᒃᓴᐅᑦᑕᐅᑎᒋᓗᑎᒃ ᓈᓚᓐᓂᖃᖅᑎᑦᑎᓛᕐᒪᑕ ᐄᐳᕈ 19-20, 2021, ᕿᒥᕐᕈᓂᖃᕐᓗᑎᒃ ᒫᓐᓇᓕᓴᐅᓛᖑᔪᓂᒃ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑳᓕᐊᒥᓂᕐᓂᒃ ᑭᒡᒐᖅᑐᐃᔨᐅᔪᒧᑦ ᓱᕈᓯᕐᓄᑦ ᒪᒃᑯᑦᑐᓄᓪᓗ. ᐅᓂᒃᑳᓕᐊᒥᓃᑦ ᖃᕋᓴᐅᔭᒃᑯᑦ ᐲᖅᑕᐅᔪᓐᓇᖅᑐᑦ ᐅᕙᓐᖓᑦ:

https://assembly.nu.ca/sites/default/files/TD-286-5(2)-EN-RCYNU-Annual-Report-2019-20.pdf

ᐊᒻᒪᓗ

https://rcynu.ca/sites/rcynu.ca/files/RCYO%202019-20%20Annual%20Report_English_web.pdf

“ᑲᑎᒪᔨᕋᓛᑦ ᑕᓚᕖᓴᒃᑯᑦ ᓈᓚᓐᓂᖃᖅᑎᑦᑎᓂᖓ ᐱᕕᖃᖅᑎᑦᑎᓛᖅᑐᖅ ᒪᓕᒐᓕᐅᖅᑎᓂᑦ ᐃᓱᒪᒃᓴᖅᓯᐅᕈᑎᖃᑦᑎᐊᓂᕐᒥᒃ ᐊᑐᓕᖁᔭᓕᐊᒥᓂᖏᓐᓂᑦ ᑭᒡᒐᖅᑐᐃᔨᐅᔫᑉ ᓱᕈᓯᕐᓄᑦ ᒪᒃᑯᑦᑐᓄᓪᓗ,” ᔮᓐ ᒪᐃᓐ ᒪᓕᒐᓕᐅᖅᑎᐅᔪᖅ ᐊᕐᕕᐊᑦ ᐅᐊᓐᓇᖓᓄᑦ−ᑐᑭᕋᖅᔪᐊᒧᓪᓗ ᑲᑎᒪᔨᕋᓛᓄᑦ ᐃᒃᓯᕙᐅᑕᐅᔪᖅ ᐅᖃᓚᐅᖅᑐᖅ.

ᓈᓚᓐᓂᖃᖅᑎᑦᑎᓃᑦ ᐱᒋᐊᓛᖅᑐᑦ 1:30-ᒥ ᐅᓐᓄᓴᒃᑯᑦ ᓇᒡᒐᔾᔭᐅᒥ, ᐄᐳᕈ 19, 2021. ᓈᓚᓐᓃᑦ ᐊᑐᖅᑕᐅᓛᖅᑐᑦ ᒪᓕᒐᓕᐅᖅᕕᐅᑉ ᑲᑎᒪᕐᔪᐊᖅᕕᖓᓂ. ᓄᕙᓐᓇᕐᔪᐊᖅ ᑰᕕᑦ−19 ᐱᔾᔪᑎᐅᓪᓗᓂ, ᑲᑎᒪᕐᔪᐊᖅᕕᐅᑉ ᐳᓛᖅᕕᖓ ᓱᓕ ᒪᑐᓯᒪᒻᒪᑦ. ᑖᒃᑯᐊ ᓈᓚᓐᓂᖃᖅᑐᑦ ᑕᓚᕖᓴᒃᑯᑦ ᑕᑯᒃᓴᐅᓛᖅᑐᑦ ᓄᓇᓕᓐᓂ ᑲᓱᖅᓯᒪᔪᓂᒃ ᑕᓚᕖᓴᓕᕆᔨᖏᑎᒍᑦ ᐊᒻᒪᓗ ᐊᖏᕐᕋᒥ ᖃᖓᑦᑕᖅᑎᑕᐅᓯᒪᔪᒃᑯᑦ ᑕᓚᕖᓴᓕᓐᓂ ᕕᐊᓪᑯᑦ (ᓈᓴᐅᑎᖓ513) ᐊᒻᒪᓗ ᓵᒃᑯᑦ (ᓈᓴᐅᑖ289 - ᐱᑐᖃᐃᑦ / ᓈᓴᐅᑖ 489 - ᓄᑖᑦ). ᑖᒃᑯᐊ ᓈᓚᓐᓂᖃᖅᑎᑦᑎᔪᑦ ᑕᑯᒃᓴᐅᑦᑕᐅᑎᒋᓛᕐᒥᔪᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᒃᑯᑦ ᐅᕙᓂ: http://video.isilive.ca/nunavut/. ᐃᖃᓗᒻᒥᐅᑕᐃᑦ ᓈᓚᒍᓐᓇᓛᕐᒥᔪᑦ ᓈᓚᐅᑎᒃᑯᑦ ᑐᓴᖅᓴᐅᑦᑕᐅᑎᒋᔪᓂᒃ ᐅᕘᓇ: ᓇᑎᖅ: 92.5 / ᐃᓄᒃᑎᑐᑦ: 94.7 / ᖃᓪᓗᓈᑎᑐᑦ: 102.1.

-30-

ᑐᑭᓯᒋᐊᕈᒪᒍᒃᓯ:
ᔮᓐ ᑯᕘᒃ, ᑎᑎᕋᖅᑎ ᓄᓇᕗᑦ ᒪᓕᒐᓕᐅᖅᕕᖓᓂ
ᐅᖄᓚᐅᑎᖓ: (867) 975-5000