ᐅᖄᓚᐅᑖ: (867) 975-5015
ᓱᒃᑲᔪᒃᑰᕈᑖ: (867) 975-5114
ᖃᕆᓴᐅᔭᒃᑯᑦ ᑐᕌᕈᑖ: jpbrewster@assembly.nu.ca
607 Queen Elizabeth Way
Unit 304
Iqaluit, NU
X0A 3H0
ᐅᖄᓚᐅᑖ: (876) 979-4750
ᓱᒃᑲᔪᒃᑰᕈᑖ: (867) 979-4751
ᖃᕆᓴᐅᔭᒃᑯᑦ ᑐᕌᕈᑖ: JanetBrewster@sinaamla.ca
ᔮᓇᑦ ᐱᑦᓯᐅᓛᖅ ᕗᕉᔅᑐ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐅᑐᐱᕆ 25, 2021-ᒥ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᐅᔪᒥᒃ ᐃᖃᓗᐃᑦ−ᓯᓈᒥ 6-ᒋᔭᖓᓂ ᓄᓇᕗᑦ ᒪᓕᒐᓕᐅᖅᕕᖓᓂ. ᒥᔅ ᕗᕉᔅᑑᑉ ᐃᖅᑲᓇᐃᔭᓚᐅᖅᓯᒪᓂᖏᑦ ᐃᓚᖃᖅᑐᑦ ᐱᓕᕆᓂᒥᓂᖏᓐᓂᑦ ᐊᕙᑎᐸᓗᓐᓂᑦ ᐊᕐᕌᒍᓂᑦ ᐊᖏᔪᖅᑳᖑᖃᑕᒥᓂᐅᓪᓗᓂ ᓄᓇᕗᒻᒥ ᐋᓐᓂᐊᑦᑕᐃᓕᓕᕆᔨᒃᑯᓐᓂ ᐋᓐᓂᐊᑦᑕᐃᓕᓕᕆᓂᕐᒥᒃ ᓴᖅᑭᔮᕆᐊᖅᑎᑦᑎᓂᕐᒥ ᐊᒻᒪᓗ ᓴᐳᒻᒥᑦᑎᓂᕐᒥ, ᐋᓐᓂᐊᕕᓕᐊᖅᑐᒥᓃᑦ ᐅᕐᓂᓗᒃᓴᖅᕕᖓᓂ, ᐊᐅᓪᓚᖅᑐᑎᒃ ᐋᓐᓂᐊᕕᓕᐊᖅᑐᓕᕆᓂᕐᒥ ᐊᒻᒪᓗ ᑭᒃᑯᓕᒫᑦ ᖃᓄᐃᓐᖏᑦᑎᑕᐅᒐᓱᐊᕐᓂᖏᓐᓂ. ᒥᔅ ᕗᕉᔅᑐ ᐊᖏᔪᖅᑳᕆᔭᐅᓚᐅᖅᓯᒪᒻᒥᔪᖅ ᐊᓪᓚᕝᕕᖓᓂ ᓄᓇᕗᒻᒥ ᓴᓇᓐᖑᐊᖅᑏᑦ ᑲᑐᔾᔨᖃᑎᒌᖓᓂ. ᒥᔅ ᕗᕉᔅᑐ ᐱᔨᑦᑎᕋᓚᐅᕐᒥᔪᖅ ᐃᖃᓗᓐᓂ ᒪᐃᔭᖓᓄᑦ ᑐᖏᓕᕆᔭᐅᓪᓗᓂ ᐊᒻᒪᓗ ᑲᑎᒪᔨᐅᖃᑦᑕᖅᓯᒪᒻᒥᔪᖅ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᓐᓂ ᐊᒻᒪᓗ ᑲᑎᒪᔨᐅᖃᑕᐅᓪᓗᓂ ᓄᓇᕗᒻᒥ ᓄᓇᑦᓯᐊᕐᒥᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪᓗ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᑲᑎᒪᔨᖏᓐᓂ ᐊᒻᒪᓗ ᐅᑭᐅᖅᑕᖅᑐᒥ ᓱᕈᔪᓂᒃ ᐱᓕᕆᐊᖃᕐᓂᕐᒧᑦ ᑲᑎᒪᔨᕋᓛᖏᓐᓂ. ᐱᒋᐊᖅᑎᑦᑎᖃᑕᒥᓂᐅᔪᖅ ᐃᒃᓯᕙᐅᑕᖓᓄᑦ ᑐᖏᓕᕆᔭᒥᓂᐅᓪᓗᓂᓗ ᓄᓇᖃᖅᑳᖅᑐᒥᓂᕐᓄᑦ ᒪᒥᓴᐃᓂᕐᒧᑦ ᑎᒥᖓᓂ ᐊᒻᒪᓗ ᐱᓕᕆᖃᑕᐅᓪᓗᓂ ᐃᓚᐅᓯᒪᔪᖅ ᑲᓇᑕᒥ ᐃᓛᒌᑦ ᐊᒻᒪᓗ ᐊᓐᓇᐅᒪᔪᑦ ᐊᒻᒪᓗᑭᑖᖓᓄᑦ ᐱᒋᐊᖅᑎᑕᐅᓚᐅᖅᓯᒪᔪᒧᑦ ᐊᑖᒎᑦ 2021-ᒥ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᓄᓇᖃᖅᑳᖅᑐᒥᓃᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+ ᑭᒃᑯᑐᐃᓐᓇᐃᑦ ᑲᓇᑕᒥ ᐱᓕᕆᐊᖑᒋᐊᕐᓂᖏᓐᓄᑦ ᐸᕐᓇᐅᑎᒧᑦ ᐊᒻᒪᓗ ᓄᓇᕗᒻᒥ ᑎᒥᖁᑎᖓᓂ ᕿᕐᓂᖅᑐᐃᑦ ᐃᓅᓯᖏᑦ ᐊᓐᓂᓇᕐᒪᑕ ᐱᓕᕆᓂᐅᔪᓄᑦ. ᒥᔅ ᕗᕉᔅᑐ ᓴᓇᓐᖑᐊᖅᑎᐅᔪᖅ, ᐊᖑᓇᓱᑦᑎᐅᓪᓗᓂ ᐊᒻᒪᓗ ᐊᓈᓇᒋᔭᐅᓪᓗᓂ ᐅᑯᓄᖓ: ᑕᖅᑐ, ᐋᓯᕙᒃ, ᐊᒻᒪᓗ ᓇᐸᑦᓯ.