IQALUIT, Nunavut (September 3, 2026) – Uvani Maligaliokvikmi ukkua Katimayigalaat Tammaktokagiarhaitnik Kavamatkut Aulatjutaitnik tatvalu Kavamatkut Manilikitjutaitnik katimaniaktut Tiiviikut nallaktitilutik tatvanganin September 23, 2026-min, akunni October 1, 2026-mun, kangahannuak tahapkua Nunavut Kavamatkut manilikitjutaitnik tatvalu aipagugangat unipkagiyaitnik hapkua ilikut havakaktot tatvanga Maligaliokvikmin kivgaktoivlutik, illaliutilugit tahapkua Kangunaktulikinikut Kamisina, Ukkauhilikinikut Kamisina tatvalu una Kivgaktuiyok Happuniarhugit Nuttakat tatvalu Inulramiit.
Atanivaluit tahapkua Nunavut Kavamatkutni kaitkuyauniaktot appirhuktaulutik uppautiyagiakaktot tatvunga tiiviikut katimapkaititlugit.
“Tahapkua tiiviikut katimapkaititluta hatkitjutiginiaktait hapkua Maligalioktiit Maligaliokvikmi ihomarhutigilugitlu tahapkua Nunavut Kavamatkut kanovalaak havagiyaoyagiakakningitnik uktukuhimayaitnik uma Havagiyaitnik Tammarhimalikiyiuyunik Manilikinikut , tahapkualu ilikuakut havakaktot tatvani Maligaliokvikmi tatvalu ukkua Katimayigalaat ilikutaok havagiyaitnik,” ukkalaktok una Katimayigalaat Irhivautagiyaat Fred Pedersen, Maligaliokti kivgaktuiyok Ikaluktutiakmiutnik.
Ukkua Katimayigalaat tiiviikut katimaninga ublurhiut 1:30 pm Ublumaat tatvani Maligaliokviop katimaviatni Pingatiutimi, September 23, 2026. Tahamna Katimanik tiiviikut kungiaktauniaktok nunaliitni tiiviikukutaitigut tatvalu aullaktautaitigut ukkua Bell (nakitautatni 513) tatvalu Shaw (nakitautatni 181) tiiviikukutaitni.
Tahamna Katimanik kungiaktaulaktok karitauyakut ikkiangatni: https://assembly.nu.ca/webcasts.
Iqalungmiut nallagungnakmiyut nallautikut katimanikmik tahapkua FM nakitautatni: Ukaktokaktitlugo: 92.5 / Inuktitut: 94.7 / Kablunaatut: 102.1.
-30-
Tuhaktitauvaligomaguvit:
LegInfo@assembly.nu.ca
| Attachment | Size |
|---|---|
| Katimayigalaat Tuhaktitiyumavut Tiiviikut Katimatitlugit Takkurhauniaktut | 160.83 KB |