IQALUIT, Nunavut (June 18, 2013) – Uqaqti Maligaliurvigmi ighivautalik taapkunungat katimayiuyunut Hunter Tootoo ublumi uqaqtuq, tahamunga 2013 tikkuaqtauniatunut Nunavup illuani.
Taapkuat illitariyauniaqtut Nunavumi. Jimmy Akavak, Louis Angalak, Sr. taamnalu Davidee Arnakak.
Uvani January 1, 2010, Uvani Tahamna illitariyutauratartumut attuqtaugiatuq. Imautunut tahamna illitariyutauyq atuqtauvaktuq ikayuhirrataqtut illitquhituqamit atuhutik, inuuhimullu ihuatumik Nunavumut tautuknaqtittiyut. Hamna illitariyutauvagtuq qitignipanguyu tuniyauvagtunut illitariyutinut, nivingataanut tuniyutauyuq Nunavut Kavamainit.
Jimmy Akavak Iqalugmiutaq paliihimanut havaghimayu ukiunut 30 nuty Nunavut illuani Nunaliuyunut amihunut nuqarniahaahuni uvani 2012. Mr. Akavak havaaminut amihuihuni illitariyauhimayuq paliihimaupluni havaaminut, haahimayauyunut ikayuhirpatuq ayurutiqaliqtunut inuuhiminut.
Louis Angalak, Sr. Arviarmiutaq Havaaminut taimaanialiqtut tagvani ukiumi havaktuq iliquhiliqiyikunut hivumuatitiyiuhuni Ilihatuliqiyikuni. Mr. Angalak Ilauyutuqauliqtut ikayuriahimaratahuni inuuhuktunut inirninulu tiguyauhimayunut nunami aulaahimanirmut illihailuni. Havaghimayurlu naluyaungitunut inutuqanut, uumingalu havaqatiqarhimayuq Mark Kalluak, ilitariyauhimayumik taimaitumik 2011-mi, imiatunik havaqatiugivlugu itanitivlutik uqahuhiniglu katittilutiglu.
Davidee Arnakak Pangnirtuurmiutaq hiviliituuhuni ighivaulaliugiaqtuq innuuhirlutunut ayuhautilignut katuyiqatigiinut, akhugutuqarhimayuq katimayiuhuni Mianguhimayurlu Pangnirtuumi.
“Uvani ukiunguyumut taapkuat tuniyauhimaniaqtut Nunavumut illitaritayyutilignut ikayuhimayunut Nunavumiunut hivumuuyutauyuhanut, aulatuarutinu ilihanimutlu uqaqtuq uqaqti Tootoo. “Havaghimayanginut innuuhugtut ilihimagialit Munavumiutat ikayutauhimagmata iliquhinut aulalittiarpaalirutihanut.”
Uvvani 2013 –mi tuniuqatauyunut tuniyauniaqtut September 12, 2013, Maligaliurvip illuani katimaviani ubluhiut humungatilugu uqautauyumaaqtuq. Nunavumut Kamihinauyuq tuniurainiaqtuq tagvani illitariyutauyunut.