IQALUIT, Nunavut (February 26, 2013) – Quttiktuqmit Maligaliuqti Ron Elliott ublumi hatqiriyut Maligakhak 46-mik, una turhiutigiya Aittuqtuiniq Niqqinik Maligak.
“Una turhiutigiya Aittuqtuiniq Niqqinik Maligak pitjutauyuq kina inuk aittuqtuiyuq niqqinik uvalunin tunniurhaiyuq aittuqtauhimayuniq niqqinik piyagingitangani hamna niqqi anniagutiqqaqat, anniarutqakpat, tuqqutjutauqpat uvalunin qanuq annirutauhimaqpat niriyautitlugu hamna niqqi kihiani una aittuqtauyuq piyarihimaqpat anniktuinahuaqluni una niqqimik aittuqtauhimayuq uvalunin una aittuqtuiyuq qayagurihimaitumik aittuqtuinigumi uvalunin tunniurhainigumi niqqinnik. Ajikkutainik maligarhanik atturiaqqaqtuq hapkua attanguyauyut, kivgaktuiyut, havaktiuyut uvalu akkiliktuktaungitut havaktut hapkunani timiuyuni pikataukataktut aittuqtuiniqmut uvalunin tuinniurhainikmut niqqinik,” uqqalaqtuq Mr. Elliott.
Tamaita allat Kanatami avikturhimayuni ajikuhiurhimayunik maligakaktut.
“Kuviahuktunga tatva ikkayuktaunmat una illikut una Maligaluiktit Maliganguktitumayat ilaliutihimangmat hivuliutjuktauhimangmat havarhanut tatvani Nunavumi Niqqailuiqniqqut Katimakjuakmata,” uqqalaktuq Mr. Elliott. “Hagyairhihimayungatauq ajikutaitniq titikanik ikkayutauniaktunik qaittauhimayut kaffinit pikatauyumayunnit ilaliutivlugit hapkua katimayiit Niripqaqhugit Qattangutitka Nunavumi, ukkua Ilihauttit Nunavut/ Ilihautit Kanatami Iganniqut Katimayiit, ukkua Qayuqtuvik Katimayiit, Nunavut Tunngavik Timingat, Hinniktakvik Frobisher Inn, ukkua Kapannikut North West Company uvalu Kuappatkut Arctic Co-operatives Limited.”
Ajikutait uma Maligarhak 46 hatkumirhimayut tatvani Maligaliurviup Karitauyakut naunaipkutatni : www.assembly.nu.ca.
“Niriuqtunga tatvani tammatkiumalutik ikkayurhiutitkuvlugit tatvani Maligaliurvikmi ihumarhutautitlugu hamna piyuminaktuk maligarhak, aittuqtuitjutirhaq niqqinik ikayutauniakmat kittunut niqqailiuqtunut nanilikak Nunavumi,” uqqalaqtuq Mr. Elliott.
| Attachment | Size |
|---|---|
| Maligaliuqti Quttiktuqmit turhiutigiya Aittuqtuiniq Niqqinik Maligak | 162.01 KB |