Ministaa Margaret Nakashuk

Margaret Nakashuk niguaqtauffaaqtuq niguaqatauqatingginmat kivraqtuijaami nunaqatainnut Pangnirtuungmi talvani 6 ni Maligaliurviujuni Nunavunmut.

Ms. Nakashuk niguaqtaujuq kivraqtuijaami Aulapkaijut Katimajiinni talvani pidjutillutik Hikutirvia 17, 2021 katimajdutini Nunavut Hivuliqtiit Katimadjutaanni.  Minista Nakashuk uqariiqhimajuq havagvingmun Hikutirvia 19, 2021 mi.  Kivraqtuqhuni Ministaupluni Inuliqiijitkunnut, Minista munarijaqaqhuni Aimaviqhaittunut, Minista munarijaqaqhuni Ilin’ngainahuarnirmun, Ministauplunilu munarijaqaqhuni Arnait Qanurilinganinginnut.

Ms. Nakashuk hivuani Ilaujuq tallimani Maligaliurviujuni, talvuuna ministaitigut havaagivaktait amigaittuni, talvanilu Ministaupluni Pitquhiliqiijitkunnut Ministauplunilu munarijaqaqhuni Nunavut Igluliqiijirjuatkunnut.

Niguaqtautinnani, Ms. Nakashuk an’ngajuqhiujuni havaktiuvaktuq Nunavut Kavamani Inuliriijitkunni.  Hivuani ajuittiarnikkut havakpaqhimajuq havaani Inirninut Ilihaijiupluni Havaaqhanutlu Pivallianikkut Havaktiupluni.  Ms. Nakashup ilihaqpaqhimajuq ilaupluni Nunavut Sivuniksaut Ilihagutaanni, Atan’ngujat Ilihagutainnik Nunavut Ilihaqpaalirvianni, Nunavutimlu Kavamani Hivuliqtikhanut Hivuliqtikhanut Ilihagutaanni.

Ms. Nakashuk kivraqtuivaktuq niguaqtauhimapluni Nunallaami Hamlatkunni Pangnirtuumi nunallaamilu Ilinniaqtuliriijitkut Katimajiinni.  Ms. Nakashuk havakpakhimayurlu Nunallaami Maligaliqiijitkunni.  Akiliqtaunggittunilu hulijuni ikajuqpaktuq havaqatigiplugit Inirnikhaat inuulrammiitlu.

Margaret Andrew Nakashuklu malruungnik nutaraqaqtun, Natasha, Anthonylu, malruungniklu in’ngutaqaqhutik.  Ms. Nakashup inmi quviagijait miqhurniq, nuviqharniq, iganiq, aullangnikkutlu.