ᒥᓂᔅᑕ ᐃᓄᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ
ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ
ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ
ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ
ᐅᖄᓚᐅᑖ: (867) 975-5070
ᓱᒃᑲᔪᒃᑰᕈᑖ: (867) 975-5073
ᖃᕆᓴᐅᔭᒃᑯᑦ ᑐᕌᕈᑖ: mnakashuk6@gov.nu.ca
P.O. Box 36
Pangnirtung, NU
X0A 0R0
ᐅᖄᓚᐅᑖ: (867) 473-8220
ᓱᒃᑲᔪᒃᑰᕈᑖ: (867) 473-8227
ᖃᕆᓴᐅᔭᒃᑯᑦ ᑐᕌᕈᑖ: margaretnakashuk@pangnirtungmla.ca
ᒫᒡᒍᓚ ᓇᑲᓱᒃ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᐃᓕᔭᐅᑐᐃᓐᓇᖅᖢᓂ ᑭᒡᒐᖅᑐᐃᓂᐊᖅᖢᓂ ᓂᕈᐊᖅᑕᐅᓯᒪᕕᒋᔭᖓᓂ ᐸᓐᓂᖅᑑᒥ ᐊᕐᕕᓂᓕᖓᓂ ᒪᓕᒐᓕᐅᕐᕕᖕᒥ ᓄᓇᕗᒻᒥ.
ᒫᒡᒍᓚ ᓇᑲᓱᒃ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2021−ᒥᑦ, ᓄᓇᕗᒻᒥ ᓯᕗᓕᖅᑎᑦ ᑲᑎᒪᑎᓪᓗᒋᑦ. ᒥᓂᔅᑕ ᓇᑲᓱᒃ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒥ ᓄᕕᐱᕆ 19, 2021-ᒥᑦ. ᒫᓐᓇ ᒥᓂᔅᑕᐅᔪᖅ ᐃᓄᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓄᑦ, ᒥᓂᔅᑕ ᑲᒪᒋᔭᓕᒃ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᒥᓂᔅᑕᐅᓪᓗᓂᓗ ᑲᒪᒋᔭᓕᒃ ᐊᕐᓇᐃᑦ ᑲᑎᒪᔨᖏᓐᓄᑦ.
ᒫᒡᒍᓚ ᓇᑲᓱᒃ ᒪᓕᒐᓕᐅᖅᑎᐅᖃᑕᐅᓚᐅᖅᐳᖅ ᑕᓪᓕᒪᖓᓐᓂ ᒪᓕᒐᓕᐅᕐᕕᖕᒥ, ᖃᔅᓯᑲᓪᓚᖕᓂᒃ ᒥᓂᔅᑕᐅᑉ ᐱᓕᕆᐊᒃᓴᖏᓐᓂ ᑎᒍᒥᐊᖅᖢᓂ, ᒥᓂᔅᑕᐅᓪᓗᓂᓗ ᐃᓕᖅᑯᓯᓕᕆᔨᒃᑯᓐᓄᑦ ᐊᒻᒪ ᒥᓂᔅᑕᐅᓪᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᑯᓐᓄᑦ.
ᓂᕈᐊᖅᑕᐅᓚᐅᙱᑎᓪᓗᒍ ᒫᒡᒍᓚ ᐊᖓᔪᖅᑲᐅᑎᐅᖃᑕᐅᓚᐅᖅᐳᖅ ᐃᓄᓕᕆᔨᒃᑯᓐᓄᑦ ᓄᓇᕗᑦ ᒐᕙᒪᖓᓂ. ᐃᖅᑲᓇᐃᔭᖅᑎᓪᓚᕆᐅᓪᓗᓂ ᐱᓕᕆᖃᑦᑕᖅᓯᒪᔪᖅ ᐅᑯᓂᖓ ᐃᓐᓇᕐᓄᑦ ᐃᓕᓴᐃᔨᐅᓪᓗᓂ ᐊᒻᒪᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᐅᓪᓗᓂ. ᒫᒡᒍᓚ ᐅᑯᓂᖓ ᐃᓕᓐᓂᐊᖅᓯᒪᕗᖅ ᐃᓚᐅᓚᐅᖅᓯᒪᓪᓗᓂ ᓄᓇᕗᒻᒥ ᓯᕗᓂᒃᓴᕗᒻᒥᑦ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᖅᓯᒪᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐊᒻᒪᓗ ᓄᓇᕗᑦ ᒐᕙᖓᓂ ᓯᕗᓕᖅᑎᒃᓴᓄᑦ ᐃᓕᓐᓂᐊᒐᒃᓴᒥᑦ.
ᒫᒡᒍᓚ ᓂᕈᐊᖅᑕᐅᓯᒪᓪᓗᓂ ᑲᑎᒪᔨᐅᖃᑕᐅᓯᒪᕗᖅ ᕼᐋᒪᓚᒃᑯᑦ ᑲᑎᒪᔨᖏᓐᓄᑦ ᐸᓐᓂᖅᑑᒥ ᐊᒻᒪᓗ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ. ᒫᒡᒍᓚ ᐃᖅᑲᖅᑐᐃᔨᕋᓛᖑᖃᑕᐅᓯᒪᔪᖅ. ᐊᑭᓕᖅᑐᖅᑕᐅᒐᓂ ᐅᑯᓂᖓ ᐱᓕᕆᖃᑎᖃᖃᑦᑕᖅᓯᔪᖅ ᐃᓐᓇᕐᓂᒃ ᒪᒃᑯᒃᑐᓂᓪᓗ.
ᒫᒡᒍᓚᑦ ᐊᐃᑉᐸᖓᓗ ᐋᓐᑐᕉ ᓇᑲᓱᒃ ᒪᕐᕉᓐᓂᒃ ᕿᑐᕐᖓᓖᒃ, ᓇᑖᓴ, ᐊᒻᒪᓗ ᐋᓐᑕᓂ, ᒪᕐᕉᖕᓂᓪᓗ ᐃᕐᙳᑕᖃᖅᖢᑎᒃ. ᒫᒡᒍᓚ ᐅᑯᓂᖓ ᐱᓕᕆᓪᓗᓂ ᖁᕕᐊᒋᔭᓕᒃ, ᒥᖅᓱᖅᖢᓂ, ᓄᕕᖅᓴᖅᖢᓂ, ᐃᒐᓪᓗᓂ ᐊᐅᓪᓚᑲᑕᒃᖢᓂᓗ.