ᐅᖄᓚᐅᑖ: (867) 975-5135
ᓱᒃᑲᔪᒃᑰᕈᑖ: (867) 975-5124
ᖃᕆᓴᐅᔭᒃᑯᑦ ᑐᕌᕈᑖ: jmike@assembly.nu.ca
P.O. Box 36
Pangnirtung, NU
X0A 0R0
ᐅᖄᓚᐅᑖ: (867) 473-8220
ᓱᒃᑲᔪᒃᑰᕈᑖ: (867) 473-8227
ᖃᕆᓴᐅᔭᒃᑯᑦ ᑐᕌᕈᑖ: JohnnyMike@pangnirtungmla.ca
ᔮᓂ ᒪᐃᒃ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᑎᓪᓗᒋᑦ ᐊᒃᑑᕝᕙ 27, 2025-ᒥ, ᑭᒡᒐᖅᑐᐃᓂᐊᕐᓗᓂ ᓂᕈᐊᖅᑕᐅᓯᒪᕕᖓᓂᑦ ᐸᓐᓂᖅᑑᖅ, 7-ᒋᔭᖓᓂ ᒪᓕᒐᓕᐅᖅᕕᖓᓂ ᓄᓇᕗᑦ.
ᒥᔅᑕ ᒪᐃᒃ ᐱᔨᑦᑎᖃᑦᑕᖅᑐᖅ ᑲᑎᒪᔨᐅᖃᑕᐅᓪᓗᓂ ᑲᑎᒪᔨᓕᕆᔩᑦ ᑲᑎᒪᔨᖏᓐᓂ.
ᒥᔅᑕ ᒪᐃᒃ ᐃᒃᓯᕙᓚᐅᖅᓯᒪᒻᒥᔪᖅ ᒪᓕᒐᓕᐅᖅᑎᐅᓪᓗᓂ ᑎᓴᒪᖓᓂ ᒪᓕᒐᓕᐅᖅᕕᒻᒥ, ᑕᐃᒃᓱᒪᓂ ᒥᓂᔅᑕᐅᔪᔪᖅ ᐊᕙᑎᓕᕆᓂᕐᒧᑦ.
ᒥᔅᑕ ᒪᐃᒃ ᐃᓅᓯᓕᒫᖓᓂ ᐊᖑᓇᓱᑦᑎᐅᔪᖅ, ᐃᖃᓗᒐᓱᑦᑎᐅᓪᓗᓂᓗ ᓇᒻᒥᓂᖃᐅᑎᖃᖃᑦᑕᖅᓯᒪᓪᓗᓂᓗ ᖁᑦᑎᑦᑐᓂᑦ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᐃᓅᓯᖓᓂ. ᒥᔅᑕ ᒪᐃᒃ ᐊᖏᔪᖅᑳᕆᔭᐅᓯᒪᔪᖅ ᓂᕿᑕᖅ ᐃᖃᓗᓕᕆᔨᒃᑯᓐᓄᑦ, ᐊᖏᔪᖅᑳᖑᓯᒪᓪᓗᓂ ᓄᓇᕗᒻᒥ ᐃᓪᓗᓕᐅᖅᑎᓄᑦ ᓕᒪᑎᑦ, ᐊᖏᔪᖅᑳᖑᓯᒪᓪᓗᓂ ᕿᑭᖅᑖᓗᒃ ᑯᐊᐳᕇᓴᓐᒧᑦ, ᐊᓪᓚᑦᑎᒋᔭᐅᓪᓗᓂ−ᑮᓇᐅᔭᓕᕆᔨ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐃᒃᓯᕙᐅᑕᐅᓪᓗᓂ ᐅᓗ ᐱᕙᓪᓕᐊᔪᓕᕆᓂᕐᒧᑦ ᑲᒥᓴᓐᖓᓄᑦ ᐊᒻᒪᓗ ᐃᓚᒋᔭᐅᓪᓗᓂ ᕿᑭᖅᑖᓗᒻᒥ ᐃᖃᓗᓕᕆᔨᒃᑯᑦ ᑲᑐᔾᔨᖃᑎᒌᖓᑕ ᓯᕗᓕᖅᑏᑦ ᑲᑎᒪᔨᖏᓐᓂ.
ᒥᔅᑕ ᒪᐃᒃ ᐱᔨᑦᑎᖅᓯᒪᔪᖅ ᒪᐃᔭᐅᓪᓗᓂ ᐸᓐᓂᖅᑑᒥ. ᒥᔅᑕ ᒪᐃᒃ ᑲᑎᒪᔨᐅᖃᑕᐅᓯᒪᔪᖅ ᐊᒥᓱᓂ ᑲᑎᒪᔨᐅᔪᓂ ᑎᒥᐅᔪᓂᓗ, ᐱᖃᓯᐅᑎᓪᓗᒋᑦ ᑲᑎᒪᔨᐅᓂᖅ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐᖓᓂ, ᐸᓐᓂᖅᑑᒥ ᐃᖃᓗᓕᕆᔨᑐᖃᒃᑯᓐᓂ, ᐸᓐᓂᖅᑑᒥ ᐃᖃᓗᓕᕆᔨᒃᑯᓐᓂ ᐊᒻᒪᓗ ᐸᓐᓂᖅᑑᒥ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂ.
ᒥᔅᑕ ᒪᐃᒃ ᐃᖅᑲᓇᐃᔭᕆᐅᓚᐅᖅᓯᒪᔪᖅ ᐊᖏᔪᖅᑳᖑᓪᓗᓂ ᖃᐅᒪᓕᐅᖅᕕᒻᒥᑦ ᐊᐅᓚᑦᑎᔨᐅᓪᓗᓂ ᓄᓇᑦᓯᐊᕐᒥ ᖃᐅᒪᓕᕆᓂᕐᒧᑦ ᑯᐊᐳᕇᓴᓐᖓᓂ. ᒥᔅᑕ ᒪᐃᒃ ᐸᐃᑉᐹᖃᖅᑐᖅ ᐃᓕᑕᕆᔭᐅᔾᔪᑎᒥᑦ ᐅᖁᒪᐃᑦᑐᓂᑦ ᐊᐅᓚᐅᓯᕆᓂᕐᒧᑦ.
ᒥᔅᑕ ᒪᐃᒃ ᐊᑯᓂ ᑮᓇᐅᔾᔭᒃᓴᓇᓂ ᓄᓇᓕᒻᒥ ᐸᖅᓴᐃᔨᐅᖃᑕᐅᓯᒪᔪᖅ ᐊᒻᒪᓗ ᐊᓯᖏᓐᓂ ᑎᒥᐅᔪᓂ.
ᔮᓂ ᐊᒻᒪᓗ ᐊᔪᕆᖅᓱᐃᔨ ᓗᐃ ᒪᐃᒃ ᐅᐱᒍᓱᑦᑐᑎᒃ ᕿᑐᕐᖓᖃᖅᑑᒃ ᑎᓴᒪᓂᑦ ᐊᒻᒪᓗ 9−ᓂᑦ ᐃᕐᖑᑕᖃᖅᑐᑎᒃ.
ᒥᔅᑕ ᒪᐃᒃ ᖁᕕᐊᒋᔭᖏᑦ ᐃᓚᖃᖅᑐᑦ ᐊᖑᓇᓱᓐᓂᕐᒥᑦ, ᐃᖃᓗᒐᓱᓐᓂᕐᒥᑦ ᐊᒻᒪᓗ ᐃᓕᓐᓂᐊᑎᑦᑎᓂᕐᒥᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.