IQALUIT, Nunavut (September 13mi, 2018) – Maligaliukviit Katimayigalaat munagiyut Kavamatkut Havaagutainik ovalo Kinauyaligiyiit (OGOPA) naalaktitiniaktut talavisitkut September 27mit, 2018, October 2mut, 2018, mikhaanik nutaat tuhaktitakhainik ovalo paknaiyautikhait Qulliqut Kuliligiyiit ovalo Akigaktuiyiit Ikayuktiit Katimayit. Tamamik maligaliuktiit Maligaliukvimi ilaukatauyut katimayigalaanut.
Qulliq Kuliligiyiit naalaktauniaktut katimayigalaani, piliklutik 1:30pm, Thursday, September 27mi, 2018. Nutaat Tuhaktitakhait ovalo paknaiyautikhait takulaaktut hamani kagitauyakut: http://assembly.nu.ca/sites/default/files/TD-363-4(3)-EN-QEC-16th-Annual-Report-2016-2017.pdf ovalo http://assembly.nu.ca/sites/default/files/TD-360-4(3)-EN-QEC-2017-2022-Corporate-Plan.pdf.
“Katimayigalaat nutaat naalaktihimayait talavisitkut mikhaanut, Kavamatukatkut Kinauyaligiyit Ihivgiuktiit tuhaktitainik Maligaliukviit, ilanganut Hilat Aalanguligutainik Nunavumi tunihimayait niguaktauhimayut MLA’s ihumagiyaanganik Qulliqut Kuliligiyiit hivumuutainik kuliligutikhainut,” ukaalaktok Katimayigalaat Ighivautakatia John Main, MLA Arviat Kananaganut-Tikiqaqjuaq. “Naalaktiniaktavut pipkainiamagit ihivgiukluta Kuliligiyiit havaagutainik tamamik.”
Akigaktuiyit Ikayuktiit Katimayit naalaktauniaktut katimayigalaatkunit, piliklutik 1:30pm Monday, October 1mi, 2018. Nutaangat tuhaktitakhait takulaaktut kagitauyakut hamani: http://assembly.nu.ca/sites/default/files/TD-48-5(2)-EN-Legal-Services-Board-of-Nunavut-2016-2017-Annual-Report.pdf.
“Kavamatkut Nunavumi 2018mit-2019mut kinauyakhait atugutikhait iluniaktut hanianik $11.8 million kinauyakhainik Akigaktituiyit Ikayuktiit Katimayit,” ukaalaktok Mr. Main. “Katimayigalaat talavisitkut naalaktiniaktait piniaktot hivulimik Katimayiit angayukaangit kaitkuhimayut tuhaktilugit niguaktauhimayut Maligaliuktiit hamani havaanginik, kinauyat atukhimayainik ovalo uktugutainik, ilanganut piniaktainut atulaagutainik akigaktituiyit Nunavumiunut.”
Katimayigalaat talavisitkut naalaktiniaktait piniaktut Katimaviani Maligaliukvik oval angmaumaniaktot Inunut kungiagumagumik. Naalaktitiniaktut talavisitkut nunalaani talavisitkuugutinik ovalo kagitauyakut hamunga atuklutik Bell (channel 513) ovalo Shaw (channel 289 – classic / channel 489 – new lineup) kungiakviinik.
-30-
Tuhafaagumaguvit, taklugit:
John Quirke, Titigakti, Maligaliukvik Nunavumi
Hivatauyaa: (867) 975-5000
| Attachment | Size |
|---|---|
| OGOPA Televised Hearings News Release - September 2018 - Inuinnaqtun.pdf | 133.83 KB |