Yes

ᐃᖃᓗᐃᑦ, ᓄᓇᕗᑦ (ᓯᑎᐱᕆ 2, 2014) - ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᔨᕋᓛᖁᑎᖏᑦ ᓇᐅᑦᑎᖅᓱᖅᑎᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᕐᓄᓪᓗ ᓈᓚᒃᑎᐅᓗᑎᒃ ᑲᑎᒪᓂᖃᕐᓂᐊᖅᑐᑦ ᐱᒋᐊᕐᓗᒍ ᓯᑎᐱᕆ 16-23, 2014, ᒫᓐᓇᕐᓂᓴᐅᓂᖅᐹᖑᔪᓂ ᐅᓂᒃᑳᓕᐊᖏᓐᓂ ᐃᒻᒥᒃᑰᖅᑐᑦ ᐱᓕᕆᔨᖁᑎᖏᑕ ᒪᓕᒐᓕᐅᖅᑎᑦ ᑲᑎᒪᔨᖏᑕ, ᐃᓚᒋᓪᓗᒋᑦ ᒫᓐᓇᐅᔪᖅ ᑎᒥᖁᑎᖏᑕ ᐸᕐᓇᐅᑎᖏᑦ ᖁᓪᓕᖅ ᐅᒻᒪᖅᑯᑎᓕᕆᔨᒃᑯᑦ ᑯᐊᐳᕆᓴᖓᑦᑕ. ᐃᓘᓐᓇᖏᑦ ᑲᑎᒪᔨᑐᐃᓐᓇᐅᖃᑕᐅᔪᑦ ᒪᓕᒐᓕᐅᖅᑎᑦ ᑲᑎᒪᔨᖏᓐᓂ ᑲᑎᒪᔨᕋᓛᓄᑦ ᐃᓚᒋᔭᐅᕗᑦ.

ᐃᖃᓗᐃᑦ, ᓄᓇᕗᑦ (ᔪᓐ 10, 2014) − ᒪᓕᒐᓕᐅᖅᕕᐅᑉ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᓂᐊᖅᑐᑦ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ ᖃᐃᖅᑯᔨᕗᑦ ᓄᓇᕗᒻᒥᐅᑕᕐᓂᒃ ᓄᓇᕗᒥᓗ ᑎᒥᐅᔪᓂᒃ ᐱᖁᔭᐅᑉ ᒥᒃᓵᓄᑦ ᐃᓱᒪᒋᔭᒥᓂᒃ ᐅᖃᖁᔨᓪᓗᑎᒃ. ᑖᒃᑯᐊ ᑲᑎᒪᔨᕋᓛᖑᑲᐃᓐᓇᖅᑐᑦ ᑐᓂᔭᐅᔪᓂᒃ ᐱᖃᑦᑕᓂᐊᖅᑐᑦ ᑎᑭᓪᓗᒍ ᐊᒃᑑᕝᕙ 31, 2014.

ᐃᖃᓗᐃᑦ, ᓄᓇᕗᑦ (ᔫᓐ 2, 2014) - ᒪᓕᒐᓕᐅᖅᑎᑦ ᐅᓪᓗᒥ ᐊᖏᕈᑎᖃᓚᐅᖅᐳᑦ ᐱᖁᔨᕗᒥᒃ ᐊᑐᓕᖁᔨᓪᓗᑎᒃ ᒥᔅ ᓯᐅᕆ ᒪᒃᓂᐅ-ᒧᓚᒃ ᑎᒃᑯᐊᖅᑕᐅᖁᓪᓗᒍ ᓄᓇᕗᒥ ᓯᕗᓪᓕᐅᓗᓂ ᑭᒡᒐᖅᑐᐃᔨᒃᓴᐅᓂᐊᕐᓗᓂ ᐃᑲᔪᖅᑎᐅᓂᐊᕐᓗᓂ ᓱᕈᓯᓄᑦ ᒪᒃᑯᒃᑐᓄᓪᓗ. ᐱᖁᔨᕗᕈᑦ ᐊᖏᖅᑕᐅᓚᐅᖅᖢᓂᓗ ᑕᒪᐃᓐᓄᑦ ᑲᑎᒪᕕᐅᑉ ᐃᓗᐊᓂ.

ᐃᖃᓗᐃᑦ, ᓄᓇᕗᑦ (ᒫᑦᓯ 25, 2014) − ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓ, ᒪᐃᑯᓪ ᐴᒍᓴᓐ, ᓴᖅᑭᔮᓛᖅᑐᖅ ᒪᓕᒐᓕᐅᖅᕕᐅᑉ ᕿᒥᕐᕈᔩᑦ ᒐᕙᒪᒃᑯᑦ ᐊᐅᓚᓐᓂᖏᓐᓂᑦ ᐊᒻᒪᓗ ᒐᕙᒪᒃᑯᑦ ᑮᓇᐅᔭᖁᑎᖏᓐᓂ ᑲᑎᒪᔨᕋᓛᖏᑕ ᓵᖓᓂ 1:30 ᐅᓐᓄᓴᒃᑯᑦ, ᐄᐳᕈ 1, 2014, ᑕᐃᑲᓂ ᑲᑎᒪᔨᕋᓛᑦ ᓈᓚᓐᓂᖃᓛᕐᒪᑕ ᐱᔾᔪᑎᖃᖅᑐᓂᒃ ᑲᓇᑕᐅᑉ ᑕᒻᒪᖅᓯᒪᔪᖅᓯᐅᖅᑎᖓᑕ ᒪᓕᒐᓕᐅᖅᕕᒻᒧᓐ ᐅᓂᒃᑳᖏᓐᓂᒃ ᐃᓕᓐᓂᐊᖅᑐᓕᕆᓂᕐᒥᒃ ᓄᓇᕗᒥ ᐊᒻᒪᓗ ᐃᓕᓴᕖᑦ ᐊᑦᑕᓇᕆᐊᖃᓐᖏᓐᓂᖏᓐᓂᑦ ᐊᒻᒪᓗ ᓱᕈᓯᓛᓄᑦ ᐸᐃᕆᕖᑦ ᓄᓇᕗᒥ. ᑖᒃᑯᐊ ᓈᓚᓐᓃᑦ ᐱᓕᕆᐊᖑᓂᐊᖅᑐᑦ ᐄᐳᕈ 1ᒥ-3ᒧᓐ, 2014.

ᐃᖃᓗᐃᑦ, ᓄᓇᕗᑦ (ᒫᑦᓯ 17, 2014) - ᐅᖃᖅᑎᐅᔪᖅ ᒪᓕᒐᓕᐅᖅᕕᒻᒥ ᐊᒻᒪᓗ ᐃᒃᓯᕙᐅᑕᐅᓪᓗᓂ ᓄᓇᕗᒻᒥ ᐱᓕᕆᑦᑎᐊᕐᓂᑯᓂ ᐃᓕᓴᖅᓯᔾᔪᑎᓕᕆᔩᑦ ᑲᑎᒪᔨᖏᓐᓄᑦ ᔪᐊᔾ ᖁᓚᐅᑦ ᐅᓪᓗᒥ ᐅᖃᖅᑲᐅᕗᖅ ᓂᕈᐊᕋᒃᓴᓕᐅᕐᓂᖅ ᒪᑐᐃᒃᑲᓐᓂᕐᓂᕋᖅᑐᓂᒋᑦ ᓄᓇᕗᒻᒥ ᐱᓕᕆᑦᑎᐊᕐᓂᑯᓂᒃ ᐃᓕᓴᖅᓯᔾᔪᑏᑦ. ᔮᓐᓄᐊᓕ 1, 2010ᒥ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑎ ᐊᑐᓕᖅᑎᑕᐅᓚᐅᖅᓯᒪᒻᒪᓐ. ᑖᔅᓱᒪ ᐃᓕᑕᕆᔭᐅᔾᔪᑎᐅᑉ ᓴᖅᑭᔮᕈᑎᒋᕚ ᐃᓕᑕᕆᔭᐅᖁᓪᓗᒋᑦ ᑭᒃᑯᑐᐃᓐᓇᐃᑦ ᐊᖏᔪᓂᒃ ᐃᑲᔪᕐᓂᖃᖅᓯᒪᔪᑦ ᐱᖅᑯᓯᓕᕆᓂᒃᑯᑦ, ᐃᓅᓯᓕᕆᓂᒃᑯᑦ, ᐅᕝᕙᓘᓐᓃᑦ ᒪᑭᒪᐅᑎᓄᑦ ᖃᓄᐃᓐᖏᑦᑎᐊᕋᓱᐊᕐᓂᖏᓐᓄᑦ ᓄᓇᕗᒻᒥᐅᑕᐃᑦ. ᑖᓐᓇ ᐃᓕᑕᖅᓯᔾᔪᑎ ᖁᑦᑎᓂᖅᐹᖑᔪᖅ ᐃᓕᑕᕆᔭᐅᔾᔪᑎᓕᒫᓂ ᓄᓇᕗᒻᒥ ᐊᒻᒪᓗ ᖁᓚᐅᑦᑎᓪᓗᓂ ᐊᓯᓕᒫᖏᓐᓂᒃ ᐃᓕᑕᖅᓯᔾᔪᑎᓂᒃ, ᐱᔾᔪᓯᐊᖑᓯᒪᔪᓂᒃ, ᐅᕝᕙᓘᓐᓃᑦ ᓂᕕᖓᑖᖅᑖᖑᓯᒪᔪᓂᑦ ᓄᓇᕗᑦ ᒐᕙᒪᒃᑯᖏᓐᓂᑦ.

ᐃᖃᓗᐃᑦ, ᓄᓇᕗᑦ (ᓄᕕᐱᕆ 20, 2013) - ᔪᐊᔾᔨ ᖁᓚᐅᒃ, ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᑲᑎᒪᔨᓕᕆᔩᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᓵᒥᐅᓪ ᓄᕿᓐᖓᖅ, ᐅᖅᑯᕐᒥᐅᑦ ᒪᓕᒐᓕᐅᖅᑎᐊ, ᐃᓂᖅᑎᖅᑕᐅᓯᒪᓕᕐᒪᑦ ᓂᕈᐊᖅᑕᐅᓵᖅᑐᑦ ᒪᓕᒐᓕᐅᖅᑏᑦ ᐅᓪᓘᖕᓄᑦ ᒪᕐᕉᖕᓄᑦ ᐃᓕᓐᓂᐊᖅᑎᑕᐅᑎᓪᓗᒋᑦ ᐅᐸᖃᑦᑕᓚᐅᓐᖏᓐᓂᖓᓄᑦ, ᐊᒻᒪ ᓄᕕᐱᕆ 15, 2013-ᒥ ᓄᓇᕗᒻᒥ ᓯᕗᓕᖅᑎᓂᒃ ᕿᒥᕐᕈᓂᖃᖅᑎᓪᓗᒋᑦ ᐅᓪᓛᖓᓂ ᐅᐸᓚᐅᓐᖏᓐᓂᖓᓄᑦ.