Yes

ᐃᖃᓗᐃᑦ, ᓄᓇᕗᑦ (ᓄᕕᐱᕆ 8, 2016) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᖃᐅᔨᒪᔨᑕᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ, ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᕗᑦ ᑖᓐᓇ ᓗᐃ ᖃᒧᒃᑳᖅ, ᐊᓚᓐ ᕼᐋᒧᓪᑕᓐ ᐊᒻᒪ ᕋᑦ ᐲᑐᓴᓐ ᑕᒪᑐᒪᓂ ᐊᕐᕌᒍᒥ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᕐᓂᖏᓐᓂᒃ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 7, 2016) - ᒪᓕᒐᓕᐅᖅᑎᑦ ᑲᑎᒪᔨᕋᓛᖁᑎᖏᑦ ᑮᓇᐅᔭᖅᑐᕈᑎᕕᓂᕐᓂᒃ, ᐃᒻᒥᒃᑰᖅᑐᓂᒃ ᐱᓕᕆᔨᐅᔪᓂᒃ ᐊᒻᒪ ᐊᓯᖏᓐᓂᒃ ᑎᒥᐅᔪᓂᒃ ᑲᒪᔪᑦ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᐊᒡᒋᖅᑐᒥ ᑕᓚᕖᓴᒃᑯᑦ ᑕᑯᒃᓴᐅᓗᑎᒃ ᓈᓚᖕᓂᖃᕐᓗᑎᒃ ᑲᑎᒪᔾᔪᑎᖃᕐᓂᐊᕐᓂᖏᓐᓂᒃ ᒫᓐᓇᕐᓂᓴᐅᓂᖅᐹᖑᔪᓂᒃ ᐊᕐᕌᒍᑕᒫᖅᓯᐅᒻᒧᑦ ᐅᓂᒃᑳᓕᐊᖏᓐᓂᒃ ᑐᓴᒐᒃᓴᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐊᒻᒪ ᑭᒡᒐᖅᑐᖅᑎᖓᑦᑕ ᓱᕈᓯᕐᓄᑦ ᒪᒃᑯᒃᑐᓄᓪᓗ. ᑕᒪᕐᒥᒃ ᑖᒃᑯᐊ ᐃᖅᑲᓇᐃᔮᕆᔭᐅᔫᒃ ᐃᒻᒥᒃᑰᕐᖢᑎᒃ ᐱᓕᕆᔨᐅᔪᑦ ᓯᓚᑖᒎᖓᓪᓗᑎᒃ ᒪᓕᒐᓕᐅᕐᕕᐅᑉ ᐱᓕᕆᕕᖓᑕ

ᐃᖃᓗᐃᑦ, ᓄᓇᕗᑦ (ᒪᐃ 31, 2016) - ᒪᓕᒐᓕᐅᕐᕕᖕᒧᑦ ᐅᖃᖅᑎᒋᔭᐅᔪᖅ ᐊᒻᒪ ᐃᒃᓯᕙᐅᑕᕆᔭᐅᔪᖅ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ, ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᔪᒃᓴᓂᒃ ᓂᕈᐊᒐᒃᓴᓐᖑᖅᑎᑦᑎᓂᖅ ᒪᑐᐃᒃᑲᓐᓂᕐᓂᕋᖅᖢᓂᐅᒃ.

2015−ᒥ ᑲᓇᑕᓕᒫᒥ ᖁᕕᐊᓱᕝᕕᒃᓯᐅᑎᓂᒃ ᖃᐅᒪᓂᒃ ᑲᑎᖃᑎᒌᑦᑐᑎᒃ ᐃᑭᑦᑎᓃᑦ ᐊᑐᖅᑕᐅᓛᖅᑐᖅ 5:00−ᒨᖃᓐ ᑎᓴᒻᒥᕐᒥ, ᑏᓰᕝᕙ 3, 2015, ᒪᓕᒐᓕᐅᖅᕕᒻᒥ. ᐃᓚᐅᓛᖅᑯᓯ 17−ᒋᓕᖅᑕᖓᓂ ᐊᕐᕌᒍᖓᓂ ᑲᓇᑕᓕᒫᒥ ᐃᑭᑦᑎᔪᓄᑦ ᐱᖃᑕᐅᓛᕋᑦᑕ! ᖃᐅᒪᓂᒃ ᐃᑭᑦᑎᔭᕇᖅᐸᑕ, ᑕᒪᓗᒐᒃᓴᖅᑕᖃᓛᖅᑐᖅ, ᑕᑯᕋᓐᓈᕋᒃᓴᖅᑕᖃᓛᖅᑐᓂ ᐊᒻᒪᓗ ᓱᕈᓯᓛᑦ ᓱᓕᕆᑎᑕᐅᓛᖅᑐᑦ ᓖᔾᔭᓐ ᓴᓂᐊᓂ ᐅᓇᓕᒃᓴᕋᓛᑦ ᐃᓪᓗᖁᑎᖓᓂ.

ᐃᖃᓗᐃᑦ, ᓄᓇᕗᑦ (ᓄᕕᐱᕆ 9, 2015) - ᔩᓂ ᐅᒡᔪᒃ, ᒪᓕᒐᓕᐅᖅᑎᐅᖃᑕᐅᔪᖅ ᓇᑦᓯᓕᖕᒥᒃ ᑭᒡᒐᖅᑐᐃᓪᓗᓂ, ᓄᓇᕗᑦ ᒪᓕᒐᓕᐅᕐᕕᐊᓄᑦ ᒪᓕᒐᓕᐅᖅᑎᐅᓂᕐᒥᓂ ᓄᖅᑲᖅᐸᖅ, ᓄᖅᑲᕐᓂᖓᓗ ᐊᑐᓯᒋᐊᖅᖢᓂ 5-ᒧᐊᖅᐸᑦ ᐅᓐᓄᒃᑯᑦ.

ᐃᖃᓗᐃᑦ, ᓄᓇᕗᑦ (ᓄᕕᐱᕆ 6, 2015) - ᓄᓇᕗᒻᒥ ᓯᕗᓕᖅᑎᓕᕆᓂᕐᒧᑦ ᑲᑎᒪᓂᖅ ᐱᒋᐊᕐᓂᕐᑐᖅ ᐅᓪᓛᒃᑯᑦ 10:00ᒥ ᓯᕙᑖᕐᕕᖕᒥ, ᓄᕕᐱᕆ 7, 2015, ᒪᓕᒐᓕᐅᕐᕕᐅᑦ ᑲᑎᒪᕕᖓᓂ ᑲᒪᒋᔭᐅᓗᓂ ᐊᑯᓐᓂᖓᒍᑦ ᓯᕗᓕᖅᑏᑦ ᕿᒥᕐᕈᔭᐅᓂᖓ ᒥᓂᔅᑕᐃᑦ ᑲᑎᒪᔨᖏᓐᓂᒃ.

ᐃᖃᓗᐃᑦ, ᓄᓇᕗᑦ (ᐊᒃᑑᐸ 21, 2015) - ᒪᓕᒐᓕᐅᕐᕕᐅᑉ ᐅᖃᖅᑎᖓᑦ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᖃᐅᔨᒪᔨᑕᕆᔭᐅᔪᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᒑᖅ ᑰᕐᓕ, C.M., ᐃᐅᓕᐊᒻ ᓚᐃᔪᓪ, C.M. ᐊᒻᒪ ᐊᑖᑕ ᕌᐳᑦ ᓚᓵᖅ, ᐃᒃᓯᕋᕐᔪᐊᖅ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᕐᓂᖏᓐᓂᒃ ᕿᑎᖅᑰᒻᒥ, ᐊᒃᑑᐸ 29, 2015−ᒥ, ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ ᐅᓐᓄᒃᐸᑦ 6:30−ᒥ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 18, 2015) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᑲᑎᒪᔨᖏᑦᑕ ᐃᒃᓯᕙᐅᑕᖅ ᔪᐊᔾᔨ ᖁᓚᐅᑦ ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᒑᖅ ᑰᓕ, ᕕᓕᐊᒻ ᓚᐃᔭᓪ ᐊᒻᒪ ᐊᑖᑕ ᓚᓵᖅ ᑕᒪᑐᒪᓂ ᐊᕐᕌᒍᒥ ᐅᔭᒥᒃᑕᐅᓂᐊᕐᓂᖏᓐᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ.

ᐃᖃᓗᐃᑦ, ᓄᓇᕗᑦ (ᔫᓂ 9, 2015) - ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖑᐃᓐᓇᖅᑐᖁᑎᖏᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᖏᓐᓄᓪᓗ ᐅᓪᓗᒥ ᓇᓗᓇᐃᖅᓯᕗᑦ ᑕᓚᕖᓴᒃᑯᑦ ᑕᑯᒃᓴᐅᑲᐅᑎᒋᓗᑎᒃ ᓈᓚᖕᓂᖃᕐᓂᐊᕐᓂᕐᒥᖕᓂᒃ ᐅᑭᐊᒃᓵᖑᓕᖅᐸᑦ 2015-ᒥ.

ᐃᖃᓗᐃᑦ, ᓄᓇᕗᑦ (ᔫᓂ 1, 2015) - ᒪᓕᒐᓕᐅᖅᕕᒻᒥ ᐅᖃᖅᑎᐅᔪᖅ ᐃᒃᓯᕙᐅᑕᐅᓪᓗᓂᓗ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᓐ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓄᑦ, ᔪᐊᔾ ᖁᓚᐅᑦ ᐅᓪᓗᒥ ᐅᖃᖅᑲᐅᔪᖅ ᓂᕈᐊᕋᒃᓴᓕᐅᕐᓂᖅ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᓐ ᒪᑐᐃᓕᖅᑭᓐᓂᕋᖅᑐᒍ.