Yes

ᐃᖃᓗᐃᑦ, ᓄᓇᕗᑦ (ᒪᐃ 19, 2015) - ᐊᓪᓚᕕᖕᒥ ᐊᖓᔪᖅᑳᕆᔭᐅᔪᖅ ᐊᒻᒪ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᑕ ᓇᐅᑦᑎᖅᓱᖅᑎᐅᔪᑦ ᒐᕙᒪᒃᑯᑦ ᐊᐅᓪᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᖏᓐᓄᓪᓗ ᑲᑎᒪᔨᕋᓛᑦ ᓵᖓᓐᓄᐊᖁᔭᐅᕗᖅ 1:30-ᒥ ᐅᓐᓄᓴᖅ ᐱᒋᐊᕐᓗᒍ 5-ᒧᐊᕋᓱᐊᕐᓂᖓᓄᑦ ᐱᖓᔪᐊᓂ ᔫᓂ 3, 2015-ᒥ ᐊᒻᒪ 9-ᒥ ᐅᓪᓛᒃᑯᑦ ᖁᓛᓅᕋᓱᖕᓂᖓᓄᑦ ᑎᓴᒻᒥᕐᒥ, ᔫᓂ 4, 2015-ᒥ.

(ᐃᖃᓗᐃᑦ, ᓄᓇᕗᑦ (ᒪᐃ 7, 2015) - ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᓇᖕᓂᐊᖅᑐᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᔪᐊᓂᒃ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᑲᑎᒪᓂᕆᓂᐊᖅᑕᖏᑦ ᑕᓚᕖᓴᒃᑯᑦ ᑕᑯᒃᓴᐅᓂᐊᕐᒪᑕ ᑲᑎᒪᔾᔪᑎᖃᖅᑎᓪᓗᒋᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᔪᐊᕐᒥᒃ.

ᐃᖃᓗᐃᑦ, ᓄᓇᕗᑦ (ᒪᐃ 6, 2015) - ᒪᓕᒐᓕᐅᖅᑎᓕᒫᓐ ᐃᒃᓯᕙᐅᑕᖓᑦ ᓯᑏᕕ ᒪᑉᓴᓛᖅ ᐅᓪᓗᒥ ᑐᓴᖅᑎᑦᑎᖅᑲᐅᔪᖅ ᐅᓄᕐᓂᕆᔭᖏᑦ ᐊᐅᓚᑦᓯᔨᑦ ᑲᑎᒪᔨᖏᑦ ᓱᕐᕋᒃᑕᐅᓂᐊᖏᒻᒪᑕ, ᒫᓐᓇᐅᓂᖓᓂ, 8−ᖑᖕᒪᑕ (ᓯᕗᓕᖅᑎ ᐊᒻᒪᓗ 7−ᖑᓪᓗᑎᒃ ᒥᓂᔅᑕᐃᑦ), ᓄᖅᑲᓚᐅᖅᑎᓪᓗᒍ ᐊᐅᓚᑦᓯᔨᑦ ᑲᑎᒪᔨᖏᓐᓂᑦ ᒥᔅᑕ ᓴᒻᒧᖅᑐᖅ, ᒪᓕᒐᓕᐅᖅᑎᖓᑦ ᑲᖏᕐᖠᓂᐅᑉ ᐅᐊᖕᓇᖓᓄᑦ ᐃᒡᓗᓕᒑᕐᔪᖕᒧᓪᓗ.

ᐃᖃᓗᐃᑦ, ᓄᓇᕗᑦ (ᐄᐳᕈ 7, 2015) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᔨᐅᓂᐊᕐᓗᑎᒃ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ ᐳᓚᕋᓛᕐᒪᑕ ᓄᓇᕗᒥ ᑭᒃᑯᑐᐃᓐᓇᕐᓂᒃ ᓈᓛᒋᐊᕐᓗᑎᒃ ᒪᓕᒐᖅ ᒪᓕᑦᑕᐅᕙᑦᑐᖅ ᐊᑐᓕᖅᑎᑦᑎᓂᕐᒧᓐ ᐊᐅᓚᑦᑎᓂᕐᒧᓪᓗ ᓄᓇᕗᒥ ᐃᓕᓐᓂᐊᖅᑐᓕᕆᔾᔪᑎᓂᒃ, ᑖᔅᓱᒥᖓ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ. ᑖᒃᑯᐊ ᑲᑎᒪᔨᕋᓛᖑᑲᐃᓐᓇᖅᑐᑦ ᖃᒪᓂᑦᑐᐊᕐᒦᓛᖅᑐᑦ ᐄᐳᕈ 20ᒥ; ᖁᕐᓗᑦᑑᕐᒥ ᐄᐳᕈ 21; ᒥᑦᑎᒪᑕᓕᒻᒥ ᒪᐃ 11ᒥ ᐊᒻᒪᓗ ᐃᖃᓗᓐᓂ ᒪᐃ 12ᒥ. ᖃᑦᑎᒥᐅᒐᔭᕐᒪᖔᑕ ᐊᒻᒪᓗ ᓇᒥ ᐃᓪᓗᒦᒃᑲᔭᕐᒪᖔᑕ ᐅᖃᐅᓯᐅᓛᑐᐃᓐᓇᖅᑐᑦ.

ᐃᖃᓗᐃᑦ, ᓄᓇᕗᑦ (ᒫᔾᔨ 19, 2015) - ᑕᒻᒪᖅᓯᒪᔪᖅᓯᐅᖅᑎ ᑲᓇᑕᒥ, ᒪᐃᑯ ᕘᑯᓴᓐ, ᓵᖓᓄᐊᕐᓂᐊᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᕋᓛᖁᑎᖏᑕ ᐅᐊᑦᓯᔨᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐊᒻᒪ ᑮᓇᐅᔭᖅᑐᕈᑎᕕᓂᖏᓐᓄᑦ 1:30 ᐅᓐᓄᓴᒃᑯᑦ ᐊᐃᑉᐹᓂ, ᒪᐃ 5, 2015−ᒥ, ᑲᑎᒪᔨᕋᓛᑦ ᓈᓚᖕᓂᖃᕐᓗᑎᒃ ᑲᑎᒪᔾᔪᑎᖃᖅᑎᓪᓗᒋᑦ 2015−ᒧᑦ ᐅᓂᒃᑳᓕᐊᖓᓂᒃ ᑕᒻᒪᖅᓯᒪᔪᖅᓯᐅᑎᐅᑉ ᑲᓇᑕᒥ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ ᐱᓪᓗᒍ ᐊᓄᓪᓚᒃᓰᕖᑦ ᓄᓇᕗᒥ. ᓈᓚᖕᓂᖃᕐᓗᑎᒃ ᑲᑎᒪᒋᐊᕐᓂᐊᖅᑐᑦ ᒪᐃ 5-7, 2015−ᖑᑎᓕᖅᐸᑦ.

ᐃᖃᓗᐃᑦ, ᓄᓇᕗᑦ (ᕕᕗᐊᕆ 24, 2015) - ᒪᓕᒐᓕᐅᕐᕕᒃ ᐅᓪᓗᒥ ᐊᑐᓕᖁᔭᓕᐅᖅᑲᐅᕗᖅ ᐃᓚᐃᓐ ᑮᓇᓐ ᐸᓐᔅ ᑎᒃᑯᐊᖅᑕᐅᒃᑲᓐᓂᖁᓪᓗᒍ ᓄᓇᕗᒻᒥ ᑐᓴᐅᒪᔾᔪᑎᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇᐅᑉ ᐃᓂᖓᓄᑦ ᐊᒻᒪ ᐃᓕᓯᒪᓂᐊᕐᓗᓂ ᑕᓪᓕᒪᓄᑦ ᐊᕐᕌᒍᓄᑦ.

ᐃᖃᓗᐃᑦ, ᓄᓇᕗᑦ (ᕕᕗᐊᕆ 17, 2015) - ᔪᐊᔾᔨ ᖁᓚᐅᑦ, ᓄᓇᕗᑦ ᒪᓕᒐᓕᐅᕐᕕᐊᓄᑦ ᐅᖃᖅᑎ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᐅᖅᑯᕐᒥᐅᑦ ᒪᓕᒐᓕᐅᖅᑎᑖᓵᖓᑦ, ᐸᐅᓗᓯ ᕿᔪᒃᑖᖅ, ᐊᖏᖅᑎᑕᐅᓂᐊᕐᓂᖓᓂᒃ ᐊᐃᑉᐱᐅᓕᖅᐸᑦ, ᕕᕗᐊᕆ 24, 2015-ᒥ 9−ᒧᐊᖅᐸᑦ ᐅᓪᓛᒃᑯᑦ (ᐃᖃᓗᐃᑦ ᓯᕿᕐᖑᔭᖓ ᒪᓕᒡᓗᒍ) ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ.

ᐃᖃᓗᐃᑦ, ᓄᓇᕗᑦ (ᓄᕕᐱᕆ 25, 2014) - ᔪᐊᔾ ᖁᓚᐅᑦ, ᓄᓇᕗᑦ ᒪᓕᒐᓕᐅᕐᕕᐊᓂ ᐅᖃᖅᑎ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᓪᓕᒪᖓᓐᓂ ᐅᖃᖅᑎᐅᑉ ᒪᒃᑯᒃᑐᑦ ᒪᓕᒐᓕᐅᖅᑎᖁᑎᖏᑦᑕ ᑲᑎᒪᕐᔪᐊᕐᓂᖓᑦ ᑕᓚᕖᓴᒃᑰᖅᑎᑕᐅᓛᕐᓂᐊᕐᓂᖓᓂᒃ ᓄᓇᕗᓕᒫᒥ, ᓄᓇᓕᖕᓂ ᐊᑐᓂ ᑕᓚᕖᓴᒃᑰᕈᑎᖏᑦ ᐊᑐᖅᑕᐅᓗᑎᒃ ᐊᒻᒪ ᖃᖓᑦᑕᖅᑎᑕᐅᓯᒪᔪᒃᑰᕈᑎᓂᒃ (ᑕᑯᒃᓴᐅᕝᕕᐊ 513) ᐊᒻᒪ ᓵᒃᑯᑦ (ᑕᑯᒃᓴᐅᕝᕕᐊ 289 – classic / ᑕᑯᒃᓴᐅᕝᕕᐊ 489 - ᓄᑖᒃᑯᑦ).

ᐃᖃᓗᐃᑦ, ᓄᓇᕗᑦ (ᐊᒃᑑᕝᕙ 16, 2014) – ᓄᓇᕗᑦ ᒪᓕᒐᓕᐅᖅᕕᖓᓂ ᐅᖃᖅᑎ ᔪᐊᔾ ᖁᓚᐅᑦ ᖁᕕᐊᓱᑉᐳᖅ ᐅᖃᕈᓐᓇᕆᐊᒃᓴᖅ ᑕᐃᓐᓇ 2014ᒥ ᐅᖃᖅᑎᐅᑉ ᐃᓅᓱᑦᑐᓄᑦ ᒪᓕᒐᓕᐅᖅᕕᖓ ᐊᐅᓚᓛᓕᕐᒥᒻᒪᓐ ᐃᖃᓗᓐᓂ ᓅᕖᕝᕙ 27, 2014.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 24, 2014) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑦ ᖃᐅᔨᒪᔨᑕᖏᑦᑕ ᑲᑎᒪᔨᖏᓐᓄᑦ ᐃᒃᓯᕙᐅᑕᖅ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᔮᓐ ᐊᒪᕈᐊᓕᒃ 2014−ᒥ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑎᑖᕐᓂᐊᕐᓂᖓᓂᒃ.