ᑐᒃᓯᕋᐅᑎᓂᒃ ᑐᓂᓯᖁᔨᓂᖅ ᐃᓂᖓᓄᑦ ᑭᒡᒐᖅᑐᐃᔨᐅᑉ ᓱᕈᓯᕐᓄᑦ ᐊᒻᒪ ᒪᒃᑯᒃᑐᓄᑦ.
ᑭᒡᒐᖅᑐᐃᔨ ᓱᕈᓯᕐᓄᑦ ᐊᒻᒪ ᒪᒃᑯᒃᑐᓄᑦ ᐃᖕᒥᒃᑰᖅᑐᖅ ᑎᒃᑯᐊᖅᑕᐅᓯᒪᓪᓗᓂ ᒪᓕᒐᓕᐅᕐᕕᖕᒧᑦ. ᑖᓐᓇ ᑭᒡᒐᖅᑐᐃᔨ ᓱᕈᓯᕐᓄᑦ ᐊᒻᒪ ᒪᒃᑯᒃᑐᓄᓪᓗ ᑎᒃᑯᐊᖅᑕᐅᕙᒃᑐᖅ ᐊᑐᓕᖁᔨᓚᐅᖅᑎᓪᓗᒍ ᒪᓕᒐᓕᐅᕐᕕᒃ, ᒪᓕᒃᑐᒍ ᑭᒡᒐᖅᑐᐃᓂᖅ ᓱᕈᓯᕐᓂᒃ ᐊᒻᒪ ᒪᒃᑯᒃᑐᓂᒃ ᐱᖁᔭᖓᑦ. ᑖᓐᓇ ᑕᓪᓕᒪᓄᑦ ᐊᕐᕌᒍᓄᑦ ᒪᓕᒐᑎᒍᑦ ᑎᒃᑯᐊᖅᑕᐅᓯᒪᒐᔭᖅᑐᖅ.
ᑖᒃᑯᐊ ᒪᓕᒐᐃᑦ ᓇᓗᓇᐃᔭᐃᓯᒪᔪᖅᑦ ᐱᓕᕆᐊᒃᓴᖏᑦ ᑭᒡᒐᖅᑐᐃᔨᐅᑉ, ᐃᓚᖃᖅᑐᑦ ᑕᒪᒃᑯᐊ ᐱᔪᓐᓇᐅᑎᖏᑦ ᐊᒻᒪ ᐃᓚᐅᕝᕕᒋᒋᐊᖃᖅᑕᖏᑦ ᓱᕈᓰᑦ, ᐅᕕᒃᑲᐃᓪᓗ, ᐊᑐᓂ, ᑲᑎᒪᔪᓪᓘᓐᓃᑦ ᓴᐳᔾᔭᐅᓯᒪᖁᓪᓗᒋᑦ ᐊᒻᒪ ᖁᕝᕙᕆᐊᖅᑕᐅᖁᓪᓗᒋᑦ ᐊᒻᒪ ᐃᓱᒪᒋᔭᖏᑦ ᑐᓴᖅᑕᐅᔪᓐᓇᖁᓪᓗᒋᑦ ᐊᒻᒪ ᐃᓱᒪᒃᓴᖅᓯᐅᕈᑕᐅᔪᓐᓇᖁᓪᓗᒋᑦ ᐊᒃᑐᐃᓯᒪᔪᑦ ᒐᕙᒪᒃᑯᑦ ᐱᓕᕆᕕᖏᓐᓄᑦ ᐊᒻᒪ ᑎᒃᑯᐊᖅᓯᒪᔭᖏᓐᓄᑦ ᐱᔪᓐᓇᐅᑎᖃᖅᑐᓄᑦ.
ᑖᓐᓇ ᓂᕈᐊᖅᑕᐅᔪᖅ ᖃᐅᔨᒪᔨᐅᓂᐊᖅᑐᖅ ᐊᖓᔪᖅᑳᖑᓗᓂ ᐱᒻᒪᕆᐅᑎᑦᓯᖃᑦᑕᖅᓯᒪᓗᓂ ᓱᕈᓯᓕᕆᓂᕐᒥᑦ, ᐅᕕᒃᑲᓕᕆᓂᕐᒥᓪᓗ, ᐃᓕᓐᓂᐊᕐᓂᕐᒥᑦ, ᓴᐃᒪᖃᑎᒌᒋᐊᖃᕐᓂᕐᒥᑦ, ᐋᓐᓂᐊᖅᑐᓕᕆᓂᕐᒥᑦ, ᐃᓄᓕᕆᓂᕐᒥᓪᓗ. ᑖᓐᓇ ᓂᕆᐊᖅᑕᐅᔪᖅ ᖃᐅᔨᒪᑦᓯᐊᕐᓗᓂ ᐊᐅᓚᑕᐅᓂᖏᓐᓂᒃ ᒪᓕᒐᐃᑦ, ᐃᓚᐅᓗᑎᒃ ᐊᑐᖅᑕᐅᑎᑕᐅᓂᖏᑦ ᑐᓐᖓᕕᐅᔪᑦ ᓴᐃᒪᖃᑎᒌᒋᐊᖃᕐᓂᕐᒧᑦ ᕿᒥᕐᕈᓂᖃᕐᓗᑎᒃ ᐊᒻᒪ ᖃᐅᔨᓴᕈᑎᖃᕐᓗᑎᒡᓗ. ᐱᒻᒪᕆᐅᑎᑦᓯᓂᕐᒧᑦ ᖃᐅᔨᒪᓂᖃᕆᐊᖃᕐᒥᔪᖅ ᐃᓚᐅᓗᑎᒃ ᓯᕗᒻᒧᐊᑦᓯᐊᕈᑎᒋᓯᒪᔭᖏᑦ ᑮᓇᐅᔭᓕᕆᓂᒃᑯᑦ ᐊᒻᒪ ᐃᖅᑲᓇᐃᔭᖅᑎᓂᒃ ᐊᐅᓚᑦᓯᔪᓐᓇᕐᓂᒃᑯᑦ.
ᖃᓄᐃᓕᖓᓂᖏᓐᓄᑦ ᐅᓂᒃᑳᖅᓯᒪᔪᑦ ᐃᓂᐅᔫᑉ ᖃᓄᐃᓕᖓᓂᖓ ᐱᔭᐅᔪᓐᓇᖅᑐᖅ ᐊᓪᓚᒡᕕᐊᓂ ᒪᓕᒐᓕᒐᓕᐅᕐᕕᐅᑉ ᐊᒻᒪ ᐊᒧᔭᐅᔪᓐᓇᖅᑐᖅ ᑕᒡᕙᓐᖓᑦ ᒪᓕᒐᓕᐅᕐᕕᐅᑉ ᐃᑭᐊᖅᑭᕕᐊᓂᒃ ᐅᕙᓂ www.assembly.nu.ca. ᑐᒃᓯᕋᐅᑏᑦ ᑕᑯᒃᓴᐅᑎᑦᓯᓯᐊᕆᐊᓖᑦ ᖃᓄᖅ ᒪᓕᖕᓂᖏᓐᓂᒃ ᒪᓕᒋᐊᖃᖅᑎᑕᐅᔪᓂᒃ ᐊᒻᒪ ᖃᐅᔨᒪᔭᕆᐊᖃᖅᑕᖏᑦ ᓇᓗᖅᑯᑎᓐᖏᓪᓗᓂ ᓇᓗᓇᐃᔭᖅᑕᐅᓯᒪᔪᓂᒃ ᐅᓂᐅᔫᑉ ᖃᓄᐃᓕᖓᔾᔪᑎᖏᓐᓂ. ᑖᒃᑯᐊ ᑮᓇᐅᔭᓕᐊᒃᓴᖏᑦ ᑕᒫᓃᑦᑐᖅᑦ ᐃᓂᐅᔪᒧᑦ $136,090.00 ᑎᑭᓪᓗᒍ $194,414.00 ᐊᕐᕌᒍᑕᒫᑦ.
ᑖᓐᓇ ᐃᓂᐅᔪᖅ ᐅᒃᐱᕆᔭᐅᒋᐊᓕᒃ ᐊᒻᒪ ᐱᕋᔭᒃᓯᒪᖏᒃᑲᓗᐊᕐᒪᖔᑦ ᖃᐅᔨᔭᐅᑦᓯᐊᕐᓗᓂ ᐊᒻᒪ ᐊᑦᑕᕐᓇᖃᔭᓐᖏᒃᑲᓗᐊᕐᒪᖔᑦ ᖃᐅᔨᓴᕈᑕᐅᒋᐊᓖᑦ.
ᑐᒃᓯᕋᐅᑏᑦ ᐱᕙᐅᔪᓐᓇᕐᓂᐊᖅᑐᑦ ᑎᑭᒐᓱᐊᕐᓂᖓᓄᑦ 5:00ᐅᓐᓄᒃᓴᒃᑯᑦ (EST) ᐅᓪᓗᐊᓂ ᑕᓪᓕᕐᒥᖅ, ᒫᔾᔨ 15, 2019.
ᑐᒃᓯᕋᐅᑏᑦ ᐊᒻᒪ ᖃᐅᔨᒋᐊᕈᑏᑦ ᑐᕌᖅᑎᑕᐅᓗᑎᒃ ᐅᕗᖓ:
ᐊᓪᓚᒃᑎᖓᑦ ᑲᑎᒪᔨᓕᕆᔩᑦ ᑲᑎᒪᔨᖏᑦᑕ
ᐊᓪᓚᒡᕕᐊᓂ ᓄᓇᕗᑦ ᒪᓕᒐᓕᐅᕐᕕᐊᑕ
ᑎᑎᖅᑲᑯᕕᐊ 1200, ᐃᖃᓗᐃᑦ, ᓄᓇᕗᑦ, X0A 0H0
ᐅᖃᓘᑖ: (867) 975-5000 ᓱᑲᔪᒃᑯᑦ: (867) 975-5191
ᖃᕆᓴᐅᔭᒃᑯᑦ: submissions@assembly.nu.ca