Yes

Kinikhiayut uktuktukhanik havaagutikhainut Ukauhiit Kamisinamik Nunavumi. Hamna havagutikhait piniaktut talimanik ukiunik, tamaat havainakluni tugaagutait.

Ukauhiit Kamisinaa nangminik havaktiuniaktok Maligaliukvimi. Tugaaktauniaktok pitkuyauhimayunit Maligaliukvimit, malikhutik Atuktainik Ukauhiit Pikuyakyuami. Havaktukhak atanguyautikaniaktok angiyunik aalatkiinik ovalo munagitjutait ataani Atuktainik Ukauhiit Pikuyakyuami ovalo Inuit Ukauhiit Munagitjutikhait Pikuyakyuami. Aatjikutait maligaliuligutainit takulaaktut kagitauyakut hamani:: www.nunavutlegislation.ca.

Uktuktukhanik kinikhialiktut mikhaanut Kangunaktiligiyit Kamisinakhamik Nunavumi. Hamna talimanik ukiunik, tamaat havainaniaktok tugaagutait.

IQALUIT, Nunavut (October 7mi, 2019) - Ukakti Simeon Mikkungwak ublumi ukaalaktuk ukautiyumayainik:

“Mamiahuktunga tuhagama ublumi, aniagaagutikakhimapluni, Maligaliuktiugaluak Maligaliukvimi Ovide Alakannuark, Katimakatauyuugaluak nunainit Akulliq hivulimi 1st Maligaliukvik Nunavumi. Mr. Alakannuark, nalungitauyuugaluak Inutkuak nunamini Kugaarumi hakugituk ukautikakhuni Inuit Inuuviviniinik, Ukautainik ovalo Ikpigiyainik Inuugaakhimapluni. Maligaliukatitkalu Maligaliukvimi, ihumaginiaktagut Ilakatingit ovalo nunakatingit.”

IQALUIT, Nunavut (September 25, 2019) – Katimayigalaat mungiyut Maligaliuligiyinik ublumi tuhaktiyut hulinialigiaganik aipaanut ihumagiyakhainut Maligakhak 25, Pikuyakyuakhak Ihuakhagiaganik Ilihaktituiyit Pikuyakyuakhait ovalo Inuit Ukauhiit Munagitjutikhait Pikuyakyuakhait. Maligakhak 25 tunihimayuk Ministaa Ilihaktituiyit June 5mi, 2019 ovalo kaitkuhimayuk katimayigalaanut ihumagiyauyaanganik.

YELLOWKNIFE, Nunatiaq ovalo IQALUIT, Nunavut (July 2mi, 2019) – Ukaktiit Jackson Lafferty ovalo Simeon Mikkungwak ublumi ihumagiyanga tukutjutaa maligaliuktiuyuugaluak MLA Ludy Pudluk, tukuhimayuk Mondaymi, aniagaagutainit.

Ludy Pudluk Maligaliuktiuhimayuk Nunatiami Maligaliukviani 1975mi 1995mut. Hivuliktiutitlugu, Mr. Pudluk ilaukatigihimayangit nunakatingit Qutiktumit ovalo akhuukatauhimayuk hanatjutikhainik Nunavut.

IQALUIT, Nunavut (June 6mi, 2019) – Maligaliuktit ublumi angikhimaliktait nuutitihimayainik pitkulugu Ms. Marilyn Jane Bates tugaaktauluni Nunavumi nutaamik Ilaukataupkaiyuk Nutakanut ovalo Inuulgamiit. Nuutitihimayait tamaat angiktauhimayuk Maligaliukvimi.

Nunavumi Ilaukataupkaiyuk Nutakanut ovalo Inuulgamiit Pikuyakyuani tunihimayuk Ilaukataupkainiaktuk havakvianiiluni Talimanik ukiunik. Tugaaktautjutait atuliniaktut July 22mi, 2019.

IQALUIT, Nunavut (May 28mi, 2019) – Ukakti Maligaliukvimi ovalo Ighivautak Ilitagiligiyit Nunavumi Katimayiit Simeon Mikkungwak ublumi tuhaktiyuk Mr. Zacharias Kunuk ilautitiliniaktuk Ilitagitjutainnut Nunavumi kungiaktitiniaktut Tuesday, June 4mi, 2019, 6:00mongakat (EST) Katimaviani Maligaliukviit.

IQALUIT, Nunavut (May 29mi, 2019) - John Main, Ighivautak Maligaliukvimi Maligaliuktiit Katimayigalaat, ublumi tuniyut hivulimik Titigait Utakiyait Ministait Katimayiinut Nunavumi.

IQALUIT, Nunavut (May 27, 2019) – Nunavumi Angayukaat Katimayiit katimaniaktut ublaami 10:30mongakat (EST) Tuesday, May 28mi, 2019, niguagiaganik nutaamik Ukaktikhamik Maligaliukvimut.

Katimayut Nunavumi Angayukaat Katimayut Maligaliukvimi ovalo angmaumaniaktuk Inunut kungiagumayut Pulaakviani. Katimayut kungialaaniaktutlu talavisitkut nunani kungiaktiligiyiit hamani Bell (channel 513) ovalo Shaw (channel 289 - classic / channel 489 - new lineup) kungiakviinut. Katimayut kungialaaniaktutlu kagitauyakut hamani: http://video.isilive.ca/nunavut/.

IQALUIT, Nunavut (March 12mi, 2019) – Ukakti Maligaliukvimit ovalo Ikhivautaa Nunavumi Ikayuktiit Katimayiit Joe Enook ublumi tuhaktiyuk Mr. Zacharias Kunuk, O.C. ukiumi piniaktok Kuktinganut Nunavumi ilitagitjutait.

January 1mi, 2010, Kuktingnut Nunavumi Pikuyakyuak autlaktihimayut. Pinahuaktait Kuktinunut ilitagitlugit kitkukia akhut ikayuktihimayut Nunavumi. Kuktingnut anginikhaanguyuk Nunavumi ovalo hivuliuyuk tamanik aalanut Kuktingnait, ilitagitjutait tunivaktainut Kavamatkut Nunavumi.