Yes
ᒪᓕᒐᓕᐅᖅᕕᐅᑉ ᓄᖅᑲᖓᑲᐃᓐᓇᓚᐅᖅᑐᓂ ᐱᒋᐊᒃᑲᓐᓂᓛᕐᓂᖓ
ᐃᖃᓗᐃᑦ, ᓄᓇᕗᑦ (ᐄᐳᕈ 19, 2022) - ᐅᖃᖅᑎ ᑑᓂ ᐋᖁᐊᖅ ᐅᓪᓗᒥ ᑐᓴᖅᑕᐅᑎᑦᑎᕗᖅ ᑖᓐᓇ ᒪᓕᒐᓕᐅᖅᕕᒃ ᓄᖅᑲᖓᑲᐃᓐᓇᓚᐅᖅᑐᓂ ᐱᒋᐊᒃᑲᓐᓂᓛᕐᒪᑦ ᐄᐳᕈ 20, 2022-ᒥ, ᐱᒋᐊᕐᓗᑎᒃ 1:30−ᐸᑦ ᐅᓐᓄᓴᒃᑯᑦ.
ᐅᖃᖅᑎ ᐋᖁᐊᖅ, ᓇᓗᓇᐃᖅᓯᕗᖅ, “ᖃᓄᖅ ᐃᓱᒪᖃᑦᕕᐅᒻᒪᖔᖅ ᖃᐅᔨᒋᐊᖅᑳᓚᐅᖅᑐᖓ ᒪᓕᒐᓕᐅᖅᑎᐅᖃᑎᓐᓂᑦ, ᑐᑭᓯᒐᒪ ᑕᖅᑲᒃᑯᐊ ᑐᓴᕈᒪᓂᖏᑦ ᐱᓪᓗᒋ ᒪᓕᒐᓕᐅᖅᕕᒃ ᐱᒋᐊᓕᖅᑭᒋᐊᖃᓕᕐᒪᑦ ᐱᓕᕆᐊᖃᕐᓗᓂ ᐱᓕᕆᐊᕆᒋᐊᓕᖓᓂᑦ ᐊᑖᓂ ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᓂᕐᒧᑦ ᐱᖁᔭᕐᔪᐊᖓᒍᑦ ᐃᓱᒪᒃᓴᖅᓯᐅᕈᑎᖃᕐᓗᑎᒃ ᐅᓂᒃᑳᓕᐊᒥᓂᕐᓂᒃ ᓴᖅᑭᖅᑕᐅᕋᑖᔪᔪᓂᒃ ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᓂᕐᒧᑦ ᑲᒥᓴᓇᐅᔪᒧᑦ. ”
ᓴᖅᑭᖅᑕᐅᔪᑦ ᓱᓕᑦᑎᐊᕆᐊᖃᕐᓂᕐᒧᑦ ᑲᒥᓴᓇᐅᑉ ᐅᓂᒃᑳᖏᑦ
ᐃᖃᓗᐃᑦ, ᓄᓇᕗᑦ (ᒫᑦᓯ 28, 2022) - ᒪᓕᒐᓕᐅᖅᕕᐅᑉ ᐅᖃᖅᑎᖓ ᑑᓂ ᐋᖁᐊᖅ ᐅᓪᓗᒥ ᓴᖅᑭᖅᓯᕗᖅ ᐅᓂᒃᑳᓕᐊᒥᓂᖏᓐᓂᑦ ᓱᓕᑦᑎᐊᕆᐊᖃᕐᓂᕐᒧᑦ ᑲᒥᓴᓇᐅᔫᑉ ᓄᓇᕗᒻᒧᑦ ᑐᕌᖓᔪᑦ ᐅᖃᖅᑎᖓᓄᑦ ᒪᓕᒐᓕᐅᖅᕕᐅᑉ ᐱᔾᔪᑎᖃᖅᑐᑦ ᐱᓕᕆᐊᖑᔪᒥᒃ ᐃᒻᒥᒧᑦ ᖃᓂᒃᓴᓗᐊᕐᓂᐅᑐᐃᓐᓇᕆᐊᓕᒻᒥᒃ ᐱᔾᔪᑎᖃᖅᑐᒥᒃ ᑎᒃᑯᐊᖅᑕᐅᓂᖓᓂᒃ ᐊᑕᑲᐃᓐᓇᖅᑐᖅ ᒥᓂᔅᑕᐅᑉ ᑐᖏᓕᖓ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕕᖓᓕ.
ᐃᓗᓕᖏᑦ ᑎᑎᕋᖅᓯᒪᔪᑦ ᓈᓴᐅᑎᓖᑦ 48-ᒥᑦ ᓱᓕᑦᑎᐊᕆᐊᖃᕐᓂᕐᒧᑦ ᐱᖁᔭᕐᔪᐊᕐᒥ ᐱᒋᐊᖃᖅᑎᑎᒻᒪᑕ ᑖᓐᓇ ᒪᓕᒐᓕᐅᖅᕕᒻᒥᑦ ᐃᒫᒃ: “ᐃᓱᒪᒃᓴᖅᓯᐅᕈᑎᖃᕐᓂᐊᖅᐳᖅ ᐅᓂᒃᑳᓕᐊᒥᓂᕐᓂᒃ ᒪᓕᒐᓕᐅᖅᕕᐅᑉ ᓵᖓᓅᖅᑕᐅᓚᐅᖅᑎᓪᓗᒋᑦ ᐃᓗᐊᓂ ᐅᓪᓗᐃᑦ ᖁᓖᑦ (10), ᐊᒻᒪᓗ ᑭᐅᔾᔪᑎᓕᐅᕐᓂᐊᖅᐳᖅ ᐅᓂᒃᑳᓕᐊᒥᓂᕐᓄᑦ ᑲᑎᒪᕐᔪᐊᕐᓂᖓ ᓴᖅᑭᖅᓯᕕᐅᔪᖅ ᐅᓂᒃᑳᓕᐊᒥᓂᕐᓂᒃ ᓵᖏᓐᓄᑦ, ᐃᓱᓕᓚᐅᖅᑎᓐᓇᒍ.”
ᐊᔾᔨᖏᑦ ᐅᓂᒃᑳᓕᐊᒥᓂᐅᑉ ᐲᔭᖅᑕᐅᔪᓐᓇᖅᑐᑦ ᒪᓕᒐᓕᐅᖅᕕᐅᑉ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓂᑦ ᐅᕙᓐᖓᑦ www.assembly.nu.ca.
ᓄᓇᕗᒻᒥ ᐱᓕᕆᑦᑎᐊᖅᓯᒪᔪᓂᒃ ᐃᓕᓴᖅᓯᔾᔪᑎᒥᒃ ᐅᔭᒥᒃᑕᐅᖁᔭᐅᔪᓂᒃ ᓂᕈᐊᕋᒃᓴᓕᐅᖅᕕᒃᓴᐅᑉ ᒪᑐᕕᒃᓴᖓ ᐅᖓᕙᕆᐊᖅᑕᐅᔪᖅ
ᐃᖃᓗᐃᑦ, ᓄᓇᕗᑦ (ᒫᔾᔨ 1, 2022) – ᒪᑐᕕᒃᓴᖓ ᓂᕈᐊᕋᒃᓴᓕᐅᕈᒪᔪᓄᑦ ᓄᓇᕗᒻᒥ ᐱᓕᕆᑦᑎᐊᖅᓯᒪᔪᓂᒃ ᐃᓕᑕᖅᓯᔾᔪᑎᒧᑦ ᐅᔭᒥᑦᑕᐅᖁᔨᓂᕐᒧᑦ ᐅᖓᕙᕆᐊᖅᑕᐅᓯᒪᓕᖅᑯᖅ ᑕᐃᑯᖓ ᒫᑦᓯ 31, 2022.
ᔮᓐᓄᐊᕆ 1, 2010−ᒥ, ᓄᓇᕗᒻᒥ ᐃᓕᓴᖅᓯᔾᔪᑦ ᐅᔭᒥᐅᑉ ᐱᖁᔭᕐᔪᐊᖓᑦ ᐊᑐᓕᓚᐅᖅᓯᒪᕗᖅ. ᑖᓐᓇ ᐃᓕᓴᖅᓯᔾᔪᑦ ᒪᓕᒐᖅᑎᒍᑦ ᑐᕌᒐᖃᖅᑎᑕᐅᔪᖅ ᐅᑯᓂᖓ “ᐅᐱᓗᒋᑦ ᐃᓄᐃᑦ ᐃᑲᔪᕐᓂᖃᓪᓚᕆᒃᓯᒪᔪᑦ ᐱᖅᑯᓯᑐᖃᖅᑎᒍᑦ, ᐃᓅᓯᓕᕆᓂᒃᑯᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᓂᒃᑯᑦ ᓄᓇᕗᒻᒥ.” ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᑦ ᓄᓇᕗᒻᒥ ᖁᕝᕙᓯᖕᓂᖅᐹᖑᕗᖅ ᐊᒻᒪ ᖁᑦᑎᓂᖅᐹᖑᓪᓗᓂ ᐃᓘᓐᓇᖏᓐᓂᒃ ᐊᓯᖏᓐᓂᒃ ᐃᓕᓴᖅᓯᔾᔪᑎᓂᒃ, ᐅᔭᒥᖕᓂᒃ ᐅᕝᕙᓘᓐᓃᑦ ᓴᕝᕕᒻᒥᐅᑕᕐᓂᒃ ᑐᓐᓂᖅᑯᑕᕕᓂᕐᓂᒃ ᓄᓇᕗᑦ ᒐᕙᒪᒃᑯᓐᓂᑦ. ᐃᓚᒋᔭᐅᓕᕐᓂᖓ ᓄᓇᕗᒻᒥ ᐱᓕᕆᑦᑎᐊᕐᓂᑯᓂᒃ ᐃᓕᓴᖅᓯᔾᔪᑎᑦ ᑕᕝᕙᓂ ᑲᓇᑕᒥ ᐃᓕᓴᕆᔭᐅᖃᑦᑕᖅᓯᒪᔪᓄᑦ ᓇᓗᓇᐃᖅᑕᐅᓚᐅᖅᓯᒪᒻᒪᑦ 2018-ᒥ ᒐᕙᒪᑐᖃᒃᑯᑦ ᒪᓕᑦᑕᐅᖁᔭᖓᒍᑦ ᑲᑎᒪᓂᕐᒥ ᐊᖏᖅᑕᐅᔪᔪᒧᑦ ᑯᐃᓐ ᑭᒡᒐᑐᖅᑎᖓᓄᑦ.
2022-ᒥ ᒪᓕᒐᓕᐅᖅᑏᑦ ᐅᑭᐅᖅᓯᐅᒻᒥᒃ ᑲᑎᒪᕐᔪᐊᕐᓂᖏᑦ
ᐃᖃᓗᐃᑦ, ᓄᓇᕗᑦ (ᕕᕗᐊᕆ 18, 2022) - 6−ᒋᔭᖓᓐᓂ ᒪᓕᒐᓕᐅᖅᑏᑦ ᓯᕗᓪᓕᖅᐹᒥᒃ ᐅᑭᐅᖅᓯᐅᒻᒥᒃ ᑲᑎᒪᕐᔪᐊᓯᒋᐊᕐᓂᐊᖅᑐᑦ 1:30−ᒥ ᐅᓐᓄᓴᒃᑯᑦ, ᓇᒡᒐᔾᔭᐅᒥ, ᒫᔾᔨ 7, 2022−ᒥ, ᒪᓕᒃᖢᒍ ᓇᓗᓇᐃᖅᓯᔾᔪᑦ ᑕᒪᑐᒪᓂ ᐱᓇᓱᐊᕈᓯᕐᒥ ᐊᑎᓕᐅᖅᑕᐅᓚᐅᖅᑐᖅ ᓄᓇᕗᑦ ᑲᒥᓴᓇᖓᓐᓄᑦ.
ᐊᑐᖅᑕᐅᓯᒪᓐᖏᑦᑐᖅ ᐊᕗᑎᓯᒪᓪᓗᑎᒃ ᑲᑎᒪᓂᖅ ᓇᓗᓇᐃᖅᓯᕗᖅ ᐊᑕᐅᓯᕐᒥᒃ ᓂᐱᖃᕐᓗᑎᒃ ᐱᔭᒃᓴᖅᑖᒥᒍᑦ ᓯᕗᓪᓕᐅᑎᓯᒪᔭᑦ ᐱᓕᕆᐊᖑᓂᐊᕐᓂᖏᓐᓂᒃ
ᐃᖃᓗᒃᑑᑦᑎᐊᖅ, ᓄᓇᕗᑦ (ᑎᓯᐱᕆ 13, 2021) - ᓄᓇᕗᑦ ᒪᓕᒐᓕᐅᕐᕕᐊᑕ ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑦ ᐊᕗᑎᓯᒪᓪᓗᑎᒃ ᐸᕐᓇᐃᓂᕐᒧᑦ ᑲᑎᒫᓂᑦᑎᐊᓚᐅᖅᐳᑦ ᑎᓯᐱᕆ 10, 2021−ᒥ.
“ᐊᕗᑎᓯᒪᓪᓗᑕ ᑲᑎᒪᓂᕗᑦ ᐱᒋᐊᕈᑎᖃᓚᐅᖅᐳᑦ ᐊᑐᖅᑕᐅᓚᐅᖅᓯᒪᓐᖏᑦᑐᓂᒃ ᐅᖃᖃᑎᒌᖕᓂᖃᖅᖢᑎᒃ ᒪᓕᒐᓕᐅᖅᑏᑦ ᐊᒻᒪ ᓯᕗᒃᑲᖅᑕᖅᑎᒋᔭᐅᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑕᓄᑦ ᐊᒻᒪ ᐃᓚᐅᔪᓕᒫᖑᓪᓗᑎᒃ ᐊᕕᒃᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦᑕ ᓯᕗᒃᑲᖅᑕᖅᑎᖏᑦ,” ᑕᐃᒪᓐᓇ ᐅᖃᓚᐅᖅᐳᖅ ᓯᕗᓕᖅᑎ ᐸᐅᓗᓯ ᐊᕿᐊᕈᖅ. “ᐊᖏᖅᓯᒪᑦᑎᐊᖅᐳᒍᑦ ᓄᑖᓐᖑᕆᐊᖅᑎᑦᑎᔪᒪᓂᕐᒥᒃ ᐆᒻᒪᖅᑎᑦᑎᒃᑲᓐᓂᕐᓂᕐᒥᒡᓗ ᐃᖅᑲᓇᐃᔭᖃᑎᒌᖕᓂᕐᒥᒃ ᐅᐱᒌᒡᓗᑕ ᐊᒻᒪ ᐊᖏᖃᑎᒌᒃᓯᒪᓗᑕ ᑲᑐᔾᔨᖃᑎᒌᖕᓂᒃᑯᓪᓗ ᐱᓯᒋᐊᓯᖅᑎᑦᑎᓇᓱᒡᓗᑕ ᐱᕐᔪᐊᓂᒃ, ᓲᕐᓗ ᐃᒡᓗᓕᕆᓂᕐᒥᒃ.”
ᒪᓕᒐᓕᐅᖅᑎᓕᒫᑦ ᑲᑎᒪᔨᖏᑦ ᑕᓪᓕᒪᓪᓗᐊᑕᕐᓂᒃ ᓯᕗᓪᓕᐅᔾᔨᓯᒪᕗᑦ ᓄᑖᑦ ᒐᕙᒪᒃᑯᑦ ᐱᓕᕆᐊᓪᓗᐊᑕᕆᓂᐊᖅᑕᖏᓐᓂᒃ: