Yes

ᐃᖃᓗᐃᑦ, ᓄᓇᕗᑦ (ᐊᒃᑑᐸ 21, 2015) - ᒪᓕᒐᓕᐅᕐᕕᐅᑉ ᐅᖃᖅᑎᖓᑦ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᖃᐅᔨᒪᔨᑕᕆᔭᐅᔪᑦ ᑲᑎᒪᔨᖏᑦᑕ ᐃᒃᓯᕙᐅᑕᖓᑦ ᔪᐊᔾᔨ ᖁᓚᐅᑦ, ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᒑᖅ ᑰᕐᓕ, C.M., ᐃᐅᓕᐊᒻ ᓚᐃᔪᓪ, C.M. ᐊᒻᒪ ᐊᑖᑕ ᕌᐳᑦ ᓚᓵᖅ, ᐃᒃᓯᕋᕐᔪᐊᖅ, ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ ᐅᔭᒥᒃᑕᐅᓂᐊᕐᓂᖏᓐᓂᒃ ᕿᑎᖅᑰᒻᒥ, ᐊᒃᑑᐸ 29, 2015−ᒥ, ᒪᓕᒐᓕᐅᕐᕕᐅᑉ ᑲᑎᒪᕐᔪᐊᕐᕕᖓᓂ ᐅᓐᓄᒃᐸᑦ 6:30−ᒥ.

ᐃᖃᓗᐃᑦ, ᓄᓇᕗᑦ (ᓯᑎᐱᕆ 18, 2015) - ᒪᓕᒐᓕᐅᕐᕕᖕᒧᑦ ᐅᖃᖅᑎ ᐊᒻᒪ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒧᑦ ᑲᑎᒪᔨᖏᑦᑕ ᐃᒃᓯᕙᐅᑕᖅ ᔪᐊᔾᔨ ᖁᓚᐅᑦ ᐅᓪᓗᒥ ᓇᓗᓇᐃᖅᓯᖅᑲᐅᕗᖅ ᑕᒑᖅ ᑰᓕ, ᕕᓕᐊᒻ ᓚᐃᔭᓪ ᐊᒻᒪ ᐊᑖᑕ ᓚᓵᖅ ᑕᒪᑐᒪᓂ ᐊᕐᕌᒍᒥ ᐅᔭᒥᒃᑕᐅᓂᐊᕐᓂᖏᓐᓂᒃ ᓄᓇᕗᒻᒥ ᐱᓕᕆᑦᑎᐊᕐᓂᑯᓄᑦ ᐃᓕᓴᖅᓯᔾᔪᒻᒥᒃ.

ᐃᖃᓗᐃᑦ, ᓄᓇᕗᑦ (ᔫᓂ 9, 2015) - ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖑᐃᓐᓇᖅᑐᖁᑎᖏᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᖏᓐᓄᓪᓗ ᐅᓪᓗᒥ ᓇᓗᓇᐃᖅᓯᕗᑦ ᑕᓚᕖᓴᒃᑯᑦ ᑕᑯᒃᓴᐅᑲᐅᑎᒋᓗᑎᒃ ᓈᓚᖕᓂᖃᕐᓂᐊᕐᓂᕐᒥᖕᓂᒃ ᐅᑭᐊᒃᓵᖑᓕᖅᐸᑦ 2015-ᒥ.

ᐃᖃᓗᐃᑦ, ᓄᓇᕗᑦ (ᔫᓂ 1, 2015) - ᒪᓕᒐᓕᐅᖅᕕᒻᒥ ᐅᖃᖅᑎᐅᔪᖅ ᐃᒃᓯᕙᐅᑕᐅᓪᓗᓂᓗ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᓐ ᐅᖃᐅᔾᔨᒋᐊᖅᑏᑦ ᑲᑎᒪᔨᖏᓐᓄᑦ, ᔪᐊᔾ ᖁᓚᐅᑦ ᐅᓪᓗᒥ ᐅᖃᖅᑲᐅᔪᖅ ᓂᕈᐊᕋᒃᓴᓕᐅᕐᓂᖅ ᓄᓇᕗᒥ ᐱᓕᕆᑦᑎᐊᕐᓂᑯᓄᑦ ᐃᓕᑕᖅᓯᔾᔪᑎᒧᓐ ᒪᑐᐃᓕᖅᑭᓐᓂᕋᖅᑐᒍ.

ᐃᖃᓗᐃᑦ, ᓄᓇᕗᑦ (ᒪᐃ 19, 2015) - ᐊᓪᓚᕕᖕᒥ ᐊᖓᔪᖅᑳᕆᔭᐅᔪᖅ ᐊᒻᒪ ᓄᓇᕗᒻᒥ ᐳᓚᕋᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᕆᔭᐅᔪᖅ ᒪᓕᒐᓕᐅᕐᕕᐅᑉ ᑲᑎᒪᔨᕋᓛᖏᑕ ᓇᐅᑦᑎᖅᓱᖅᑎᐅᔪᑦ ᒐᕙᒪᒃᑯᑦ ᐊᐅᓪᓚᓂᖏᓐᓄᑦ ᑮᓇᐅᔭᖅᑐᕈᑎᕕᓂᖏᓐᓄᓪᓗ ᑲᑎᒪᔨᕋᓛᑦ ᓵᖓᓐᓄᐊᖁᔭᐅᕗᖅ 1:30-ᒥ ᐅᓐᓄᓴᖅ ᐱᒋᐊᕐᓗᒍ 5-ᒧᐊᕋᓱᐊᕐᓂᖓᓄᑦ ᐱᖓᔪᐊᓂ ᔫᓂ 3, 2015-ᒥ ᐊᒻᒪ 9-ᒥ ᐅᓪᓛᒃᑯᑦ ᖁᓛᓅᕋᓱᖕᓂᖓᓄᑦ ᑎᓴᒻᒥᕐᒥ, ᔫᓂ 4, 2015-ᒥ.

(ᐃᖃᓗᐃᑦ, ᓄᓇᕗᑦ (ᒪᐃ 7, 2015) - ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᓇᖕᓂᐊᖅᑐᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᔪᐊᓂᒃ ᐅᓪᓗᒥ ᑐᓴᖅᑎᑦᑎᖅᑲᐅᕗᑦ ᑲᑎᒪᓂᕆᓂᐊᖅᑕᖏᑦ ᑕᓚᕖᓴᒃᑯᑦ ᑕᑯᒃᓴᐅᓂᐊᕐᒪᑕ ᑲᑎᒪᔾᔪᑎᖃᖅᑎᓪᓗᒋᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᔪᐊᕐᒥᒃ.

ᐃᖃᓗᐃᑦ, ᓄᓇᕗᑦ (ᒪᐃ 6, 2015) - ᒪᓕᒐᓕᐅᖅᑎᓕᒫᓐ ᐃᒃᓯᕙᐅᑕᖓᑦ ᓯᑏᕕ ᒪᑉᓴᓛᖅ ᐅᓪᓗᒥ ᑐᓴᖅᑎᑦᑎᖅᑲᐅᔪᖅ ᐅᓄᕐᓂᕆᔭᖏᑦ ᐊᐅᓚᑦᓯᔨᑦ ᑲᑎᒪᔨᖏᑦ ᓱᕐᕋᒃᑕᐅᓂᐊᖏᒻᒪᑕ, ᒫᓐᓇᐅᓂᖓᓂ, 8−ᖑᖕᒪᑕ (ᓯᕗᓕᖅᑎ ᐊᒻᒪᓗ 7−ᖑᓪᓗᑎᒃ ᒥᓂᔅᑕᐃᑦ), ᓄᖅᑲᓚᐅᖅᑎᓪᓗᒍ ᐊᐅᓚᑦᓯᔨᑦ ᑲᑎᒪᔨᖏᓐᓂᑦ ᒥᔅᑕ ᓴᒻᒧᖅᑐᖅ, ᒪᓕᒐᓕᐅᖅᑎᖓᑦ ᑲᖏᕐᖠᓂᐅᑉ ᐅᐊᖕᓇᖓᓄᑦ ᐃᒡᓗᓕᒑᕐᔪᖕᒧᓪᓗ.

ᐃᖃᓗᐃᑦ, ᓄᓇᕗᑦ (ᐄᐳᕈ 7, 2015) - ᒪᓕᒐᓕᐅᖅᕕᐅᑉ ᑲᑎᒪᔨᕋᓛᕆᑲᐃᓐᓇᖅᑕᖏᑦ ᕿᒥᕐᕈᔨᐅᓂᐊᕐᓗᑎᒃ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ ᐳᓚᕋᓛᕐᒪᑕ ᓄᓇᕗᒥ ᑭᒃᑯᑐᐃᓐᓇᕐᓂᒃ ᓈᓛᒋᐊᕐᓗᑎᒃ ᒪᓕᒐᖅ ᒪᓕᑦᑕᐅᕙᑦᑐᖅ ᐊᑐᓕᖅᑎᑦᑎᓂᕐᒧᓐ ᐊᐅᓚᑦᑎᓂᕐᒧᓪᓗ ᓄᓇᕗᒥ ᐃᓕᓐᓂᐊᖅᑐᓕᕆᔾᔪᑎᓂᒃ, ᑖᔅᓱᒥᖓ ᐃᓕᓐᓂᐊᖅᑐᓕᕆᓂᕐᒧᓐ ᐱᖁᔭᕐᒥᒃ. ᑖᒃᑯᐊ ᑲᑎᒪᔨᕋᓛᖑᑲᐃᓐᓇᖅᑐᑦ ᖃᒪᓂᑦᑐᐊᕐᒦᓛᖅᑐᑦ ᐄᐳᕈ 20ᒥ; ᖁᕐᓗᑦᑑᕐᒥ ᐄᐳᕈ 21; ᒥᑦᑎᒪᑕᓕᒻᒥ ᒪᐃ 11ᒥ ᐊᒻᒪᓗ ᐃᖃᓗᓐᓂ ᒪᐃ 12ᒥ. ᖃᑦᑎᒥᐅᒐᔭᕐᒪᖔᑕ ᐊᒻᒪᓗ ᓇᒥ ᐃᓪᓗᒦᒃᑲᔭᕐᒪᖔᑕ ᐅᖃᐅᓯᐅᓛᑐᐃᓐᓇᖅᑐᑦ.

ᐃᖃᓗᐃᑦ, ᓄᓇᕗᑦ (ᒫᔾᔨ 19, 2015) - ᑕᒻᒪᖅᓯᒪᔪᖅᓯᐅᖅᑎ ᑲᓇᑕᒥ, ᒪᐃᑯ ᕘᑯᓴᓐ, ᓵᖓᓄᐊᕐᓂᐊᖅᑐᖅ ᒪᓕᒐᓕᐅᖅᑎᑦ ᑲᑎᒪᔨᖏᑕ ᑲᑎᒪᕋᓛᖁᑎᖏᑕ ᐅᐊᑦᓯᔨᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐊᒻᒪ ᑮᓇᐅᔭᖅᑐᕈᑎᕕᓂᖏᓐᓄᑦ 1:30 ᐅᓐᓄᓴᒃᑯᑦ ᐊᐃᑉᐹᓂ, ᒪᐃ 5, 2015−ᒥ, ᑲᑎᒪᔨᕋᓛᑦ ᓈᓚᖕᓂᖃᕐᓗᑎᒃ ᑲᑎᒪᔾᔪᑎᖃᖅᑎᓪᓗᒋᑦ 2015−ᒧᑦ ᐅᓂᒃᑳᓕᐊᖓᓂᒃ ᑕᒻᒪᖅᓯᒪᔪᖅᓯᐅᑎᐅᑉ ᑲᓇᑕᒥ ᒪᓕᒐᓕᐅᖅᑎᑦ ᑲᑎᒪᔨᖏᓐᓄᑦ ᓄᓇᕗᒥ ᐱᓪᓗᒍ ᐊᓄᓪᓚᒃᓰᕖᑦ ᓄᓇᕗᒥ. ᓈᓚᖕᓂᖃᕐᓗᑎᒃ ᑲᑎᒪᒋᐊᕐᓂᐊᖅᑐᑦ ᒪᐃ 5-7, 2015−ᖑᑎᓕᖅᐸᑦ.